मुंबई- बॉलिवूड आणि अभिनेत्री तब्बल ७ वर्षांनंतर एकत्र चित्रपटात काम करणार आहेत. त्या दोघांनीही त्यांच्या करिअरची सुरुवात 'हिरोपंती' या चित्रपटातून केली होती. पुन्हा एकदा ही जोडी 'गणपत' या चित्रपटातून प्रेक्षकांच्या भेटीला येणार आहे. या चित्रपटात क्रिती टायगरसोबत मुख्य भूमिकेत दिसणार आहे. 'गणपत' चित्रपटाचं पोस्टर रिलीज झालं असून क्रिती त्यात अतिशय हटके अंदाजात दिसत आहे. विकास बहल दिग्दर्शित 'गणपत' या चित्रपटात टायगरसोबत क्रितीही अनेक अॅक्शन सीन करताना दिसणार आहे. चित्रपटाचं एक पोस्टर टायगरने इन्स्टाग्रामवर शेअर केलं आहे. पोस्टरमध्ये क्रिती एका बाईकवर बसली आहे आणि शत्रूशी लढायला तयार असल्याचे भाव तिच्या चेहऱ्यावर आहेत. या चित्रपटात क्रिती जस्सीची भूमिका साकारणार आहे. ७ वर्षानंतर टायगरसोबत काम करण्याबाबत क्रिती म्हणते, 'मी पुन्हा टाइगरसोबत काम करण्यासाठी खुपचं उत्सुक आहे. मला अशाचं एखाद्या ऍक्शन चित्रपटात काम करायचं होतं. या प्रोजेक्टवर काम करताना मी खूप आनंदी आहे आणि प्रेक्षकांसमोर जस्सीचं पात्र सादर करायलासुद्धा मला प्रचंड आवडेल.'त्यावर चित्रपटाचे दिग्दर्शक विकास यांचं म्हणणं आहे,' क्रिती या भूमिकेसाठी अत्यंत योग्य आहे. तिचा सेटवरील व कॅमेरासमोरील वावरही चांगला आहे. तिचा अंदाज एखाद्या सुपरस्टारसारखा असतो. मला विश्वास आहे की, टायगरसोबत दिसण्यासाठी ती अतिशय योग्य निवड आहे.'क्रितीने आपल्या चित्रपटाच्या भूमिकेची तयारी सुरु केली असून ती त्यासाठी मेहनत घेताना दिसून येतेय. क्रितीने याआधी 'हॉऊसफूल ४' आणि 'पानिपत' मध्येही काम केलं आहे.
from Marathi Bollywood News, Marathi Cinema News https://ift.tt/2LItFji
