मुंबई: बॉलिवूड अभिनेत्री प्रियांका चोप्राचं '' हे पुस्तक लवकर प्रकाशित होत आहे. या पुस्तकामुळे मागच्या काही काळापासून सोशल मीडियावर जोरदार चर्चेत आहे. या पुस्तकात तिनं तिच्या अभिनयाच्या कारकिर्दितले काही धक्कादायक खुलासे सुद्धा केले आहेत असं म्हटलं जात आहे. 'तिच्याबाबात प्लास्टिक सर्जरीच्या ज्या अफवा मध्यंतरीच्या काळात उडाल्या होत्या त्याचं स्पष्टीकरण या पुस्तकात दिलं आहे का?' असा प्रश्न जेव्हा एका मुलाखतीत प्रियांकाला विचारण्यात आला. तेव्हा प्रियांकानं हे पुस्तक मी कोणत्याही गोष्टीचं स्पष्टीकरण देण्यासाठी लिहिलेलं नाही असं उत्तर दिलं. नुकत्याच दिलेल्या एका मुलाखतीत प्रियांका म्हणाली, 'मी मनोरंजन जगतातली स्त्री आहे. जिथे नेहमीच पुरुषांची मक्तेदारी मानली गेली. या ठिकाणी टिकून राहण्यासाठी मला खूप मेहनत घ्यावी लागली. खंबीर व्हावं लागलं. जेव्हा इथे लोक तुमच्या कमतरता दाखवतात. तेव्हा त्यांना तुमचा अपमान करण्यात आनंद मिळतो. मी माझं काम केलं आणि मला त्या गोष्टींबद्दल काहीच बोलायचं नाही ज्या घडून गेल्या आहेत. ज्यातून मी बाहेर आले आहे.' सूत्रांच्या माहितीनुसार प्रियांका चोप्रानं तिच्या पुस्तकात करिअरच्या सुरुवातीच्या काळात बॉलिवूडमध्ये तिच्यासोबत घडलेल्या घटनेचा उल्लेख करताना लिहिलं, 'जेव्हा मी एका निर्माता-दिग्दर्शकाला भेटायला गेले होते. तेव्हा काही वेळ बोलणं झाल्यावर त्यानं मला उभं राहून गोल फिरायला सांगितलं. मी असं केल्यावर काही वेळ तो माझ्याकडे तसाच पाहत राहिला आणि नंतर त्यांनं मला ब्रेस्ट सर्जरी करण्याचा सल्ला दिला. याशिवाय त्यानं यावेळी जबडा आणि पार्श्वभागाचा आकारही ठिक करायला सांगितलं होतं. जर मला अभिनेत्री व्हायचं असेल तर मला या गोष्टी ठिक करायला हव्या असं त्याचं म्हणणं होतं. त्यानं मला सांगितलं की लॉस एन्जेलिसमध्ये त्याच्या ओळखीचे एक डॉक्टर आहेत. ज्याकडे तो मला पाठवणार आहे. या घटनेनंतर मला स्वतःमध्ये कमतरता दिसू लागल्या होत्या.' प्रियांका चोप्राचं अनफिनिश्ड हे पुस्तक ९ फेब्रुवारीला म्हणजे आज प्रकाशित होणार आहे. प्रियांकाच्या वर्कफ्रंट बद्दल बोलायचं तर तिचा 'व्हाइट टायगर' हा चित्रपट काही दिवसांपूर्वीच नेटफ्लिक्सवर रिलीज झाला. ज्याचं सर्व स्तरातून खूप कौतुक होत आहे. या चित्रपटात प्रियांका चोप्रा सोबत राजकुमार राव आणि गौरव आदर्श यांच्या महत्त्वपूर्ण भूमिका होत्या.
from Marathi Bollywood News, Marathi Cinema News https://ift.tt/3q31gTV
