मुंबई- देशभरात पेट्रोल-डिझेलचे दर गगनाला भिडले आहेत. अनेक राज्यांत पेट्रोलने प्रतिलिटर १०० रुपयांचा आकडा ओलांडला आहे. सध्या या विषयावर सोशल मीडियावर मिम्स व्हायरल होत असून सरकारवर टीका केली जात आहे. आता 'रंग दे बसंती' फेम अभिनेता सिद्धार्थने एका ट्वीटमध्ये अर्थमंत्र्यांना टोला लगावला आहे. सिद्धार्थने लिहिले की, 'मामी, ज्यावर विश्वास ठेवते त्यानूसार आपली मतं बनवते. कांदा नाही, स्मरणशक्ती नाही, कोणतेही सिद्धांत नाही.. मामी रॉक्स.' यांनी काय विधान केलं होतं निर्मला सीतारमण म्हणाल्या होत्या की, 'हा एक असा मुद्दा आहे ज्यामध्ये किंमत कपातीखेरीज अन्य कोणतंच उत्तर लोकांना समाधान देणार नाही. म्हणून मी वास्तविकता समोर आणण्यासाठी जे काही बोलते ते ऐकल्यावर लोक हेच म्हणतील की मी उत्तर द्यायचं टाळत आहे. म्हणून मी म्हणाले की ही एक गंभीर समस्या आहे. सरकारचं पेट्रोल किंमतीवर कोणतंही नियंत्रण नाही. तेल कंपन्या कच्चा तेलाची आयात करतात, शुद्ध करतात आणि विकतात. त्यामुळे हे एक मोठं धर्मसंकट आहे.' दाक्षिणात्य सिनेसृष्टीत सक्रिय सिद्धार्थच्या सिनेमांबद्दल बोलायचं झालं तर हिंदी चित्रपटांचे प्रेक्षक त्याला रंग दे बसंती सिनेमामुळे ओळखतात. २०१९ मध्ये तो लैला या वेब सीरिजमध्ये दिसला होता. याशिवाय सिद्धार्थ दाक्षिणात्य सिनेसृष्टीत सक्रिय आहे. त्याचे इंडियन २, नवरस आणि महासमुद्रम हे सिनेमे येऊ घातले आहेत.
from Marathi Bollywood News, Marathi Cinema News https://ift.tt/3dA3hDL
