मुंबई- वाहिनीवर येत्या १ मार्चपासून एक नवीकोरी मालिका प्रेक्षकांच्या भेटीस येत आहे. झी मराठीवरील प्रत्येक मालिकेला प्रेक्षकांची प्रचंड पसंती मिळते. मालिकेच्या कथा आणि मालिकेतील मुख्य कलाकार हे कायमचं प्रेक्षकांच्या उत्सुकतेचं कारण ठरत आलेलं आहे. अशीच एक आगळीवेगळी कथा पुन्हा एकदा प्रेक्षकांना पाहायला मिळणार आहे. '' या मालिकेत एका सर्वसाधारण मुलीची कथा दाखवण्यात येणार आहे, यात ती प्रियकर आणि तिचा बॉस या दोघांमध्ये अडकलेली दिसते. प्रेम आणि कर्तव्य यातून तिला प्रत्येकवेळी एका गोष्टीची निवड करायची आहे. ही मालिका प्रेक्षकांना संध्याकाळी ७ वाजता पाहता येणार आहे. या मालिकेत अभिनेत्री तन्वी मुंडले, अभिनेता अक्षय कुलकर्णी व अभिनेता मुख्य भूमिकेत असणार आहेत. मालिकेत तन्वी आणि अक्षय यांचं एकमेकांवर प्रेम दाखवण्यात आलं आहे. अक्षय मालिकेत एका टॅक्सी ड्रायव्हरची भूमिका साकारताना दिसत आहे. अक्षयने यापूर्वी अनेक शॉर्टफिल्म मध्ये काम केलं आहे. 'फोटोकॉपी' या चित्रपटात अक्षयने काम केलं होतं. त्याशिवाय तो 'काय बाय' या चित्रपटातदेखील झळकला होता. त्याने एमएक्स प्लेअरवरील लोकप्रिय 'एक थी बेगम' या सीरिजमध्ये व्हिक्टरची भूमिका साकारली होती. तो झी मराठीवरील 'माझा होशील ना' या मालिकेत डॉ. सुयशच्या भूमिकेतही दिसला होता. शशांक मालिकेत तन्वीच्या बॉसची भूमिका साकारत असून तो तिला मिळवण्यासाठी प्रयत्न करताना दिसणार आहे. मुख्य म्हणजे तो मालिकेत नकारात्मक भूमिका साकारणार आहे. शशांकने यापूर्वी अनेक नाटकात व मालिकांमध्ये काम केलं आहे. परंतु, त्याला खरी प्रसिद्धी मिळाली ती 'होणार सून मी या घरची' या मालिकेतून. यात त्याने श्रीची व्यक्तिरेखा साकारली होती जी प्रेक्षकांमध्ये प्रचंड लोकप्रिय झाली होती. त्यानंतर तो 'सुखांच्या सरींनी हे मन बावरे' या कलर्स मराठीवरील मालिकेत सिद्धार्थ तत्ववादीच्या भूमिकेत दिसला होता. तो 'गोष्ट एका पैठणीची' या चित्रपटातदेखील झळकला होता. तन्वीची ही पहिलीच मालिका असून या भूमिकेसाठी तन्वी प्रचंड उत्सुक आहे. आतापर्यंत प्रेक्षकांकडून मालिकेच्या टीजर्सना उत्तम प्रतिसाद लाभलेला आहे. तन्वी तिचं प्रेम आणि काम यात कसा समन्वय साधणार हे पाहणं औसुक्याचं ठरेल.
from Marathi Bollywood News, Marathi Cinema News https://ift.tt/3seXVlo