मुंबई- बॉलिवूड अभिनेता आणि त्याची पत्नी यांच्या बॉण्डिंगबद्दल तर साऱ्यांनाच माहीत आहे. अलीकडेच एक बातमी समोर आली आहे की, संजयने मान्यताला चार फ्लॅट गिफ्ट म्हणून दिले. या फ्टॅटची एकूण किंमत जवळपास १०० कोटी रुपये असल्याचं बोललं जात आहे. मुंबईच्या उपनगरात हे चारही फ्लॅट घेतले होते. पण मान्यताने अवघ्या आठवड्याभरात संजयची ही भेट परत केली. एका वेबसाइटने प्रसिद्ध केलेल्या बातमीनुसार, संजयने वांद्रेमधील पाली हिल येथील इम्पीरियल हाइट्स इमारतीत हे फ्लॅट विकत घेतले होते. इम्पीरियल हाइट्समध्ये सर्वच उचभ्रू सेलिब्रिटी राहतात. या इमारतीत संजयने ११ व्या आणि १२ व्या मजल्यावरचे दोन पेन्टहाउस आणि तिसच्या आणि चौथ्या मजल्यावरचे दोन फ्लॅट विकत घेतले. एवढंच नाही तर या आलिशान अपार्टमेन्टमध्ये संजयला १७ गाड्यांची मोठी पार्किंगची जागाही मिळाली. अहवालात म्हटल्यानुसार, संजयने २३ डिसेंबर २०२० रोजी मान्यताला हे फ्लॅट गिफ्ट म्हणून दिले होते. पण २९ डिसेंबर रोजी मान्यताने ते परत केले. कर वाचवण्यासाठी मान्यताने हे फ्लॅट परत केल्याचं बोललं जात आहे. संजय दत्तचं संपूर्ण आर्थिक काम पत्नी मान्यताच हाताळते. दरम्यान, संजय दत्तच्या सिनेमांबद्दल बोलायचं झालं तर, नुकताच त्याचा 'टोरबाज' सिनेमा ओटीटी प्लॅटफॉर्मवर प्रदर्शित झाला. यात त्याने एका क्रिकेट प्रशिक्षकाची भूमिका साकारली होती. शरणार्थी छावणीतील मुलांना सर्वोत्कृष्ट खेळाडू बनवायचं त्याचं स्वप्न असतं. पण त्या भागात सक्रिय असलेला दहशतवाद्यांचा नेता याच्या विरोधात असतो, अशी या सिनेमाची कथा आहे. सिनेमाला प्रेक्षक आणि समीक्षकांकडून फारसा चांगला प्रतिसाद मिळाला नाही.
from Marathi Bollywood News, Marathi Cinema News https://ift.tt/3az3TWR
