मुंबई- बॉलिवूड चित्रपटात किसिंग सीन देणं हे काही आता नवीन नाही. बॉलिवूडमधील कलाकार सर्रास असे सीन देताना दिसतात. परंतु, आजही असे काही निवडक कलाकार आहेत ज्यांचा, असे सीन द्यायला नकार आहे. अशा कलाकारांमध्ये वर्णी लागते ती बच्चन हिची. ऐश्वर्या अजूनही हॉट सीन देण्यापासून स्वतःला दूरचं ठेवते. परंतु , काही चित्रपटात ऐश्वर्यालाही असे सीन द्यावे लागले होते आणि त्यामुळे तिला बच्चन कुटुंबाच्या रोषाला सामोरं जावं लागलं. तिच्या या सीनची सोशल मीडियावर प्रचंड चर्चाही झाली होती. ऐश्वर्याचा असाचं एक चित्रपट 'धूम २' ज्यात, तिने हृतिक रोशनसोबत किसिंग सीनचं चित्रीकरण केलं होतं. त्यावरून चर्चांना एकचं उधाण आलं होतं. त्यानंतर ऐश्वर्याने ती स्वतः त्या सीनमध्ये कम्फर्टेबल नसल्याचं म्हटलं होत. बोल्ड सीनवर होती बच्चन कुटुंबियांची नाराजी २००६ साली प्रदर्शित झालेल्या 'धूम २' मध्ये दिलेल्या किसिंग सीननंतर बच्चन कुटुंबीयांची ऐश्वर्यावरील नाराजी चर्चेत होती. ज्यावेळेस चित्रपटाचं चित्रीकरण सुरु झालं होतं तेव्हा, ऐश्वर्या आणि अभिषेकच्या लग्नाची चर्चादेखील जोर धरू लागली होती. चित्रपटाच्या प्रदर्शनानंतर दोघांचा विवाह झाला. मिळालेल्या माहितीनुसार, बच्चन कुटुंबियांचा किसिंग सीनला विरोध होता. प्रीमियरला आले नाही बच्चन कुटुंबिय २००२ च्या 'देवदास' चित्रपटानंतर ऐश्वर्याचे सलग ५ चित्रपट बॉक्स ऑफिसवर आपटले होते. करिअरला पुन्हा सावरण्यासाठी तिने या चित्रपटात किसिंग सीन देण्याचा निर्णय घेतला. बच्चन कुटुंबिय ऐश्वर्यावर इतके नाराज होते की, चित्रपटाच्या प्रिमियरला त्यांच्याकडून कोणीही हजेरी लावली नाही. मिळाली हाती कायदेशीर नोटीस चित्रपटातील या सीनमुळे ऐश्वर्याला फक्त बच्चन कुटुंबीयच नाही तर तिच्या चाहत्यांच्या रोषाचादेखील सामना करावा लागला होता. ऐश्वर्याने दिलेल्या एक मुलाखतीत तिने सांगितले, 'चित्रपटाच्या प्रदर्शनानंतर तिला कायदेशीर नोटीसही देण्यात आल्या होत्या. 'ऐ दिल है मुश्किल' च्या सीनची ही झाली चर्चा 'ऐ दिल है मुश्किल' चित्रपटातील रणबीर कपूरसोबत दिलेल्या बोल्ड सीनचीदेखील बरीच चर्चा रंगली होती. अमिताभ बच्चन तिच्या या सीनमुळे खुश नव्हते आणि करण जोहरला चित्रपटातून हा सीन काढण्यासाठी सांगण्यात आले होते.
from Marathi Bollywood News, Marathi Cinema News https://ift.tt/2MYgVFA
