मुंबई: बॉलिवूड अभिनेत्री सोशल मीडियावर नेहमीच सक्रिय असते. राजकीय आणि सामाजिक विषयांवर बिनधास्त बोलणारी अभिनेत्री म्हणून स्वरा भास्करचं नाव घेतलं जात. तिच्या ट्वीट्समुळे तर ती अनेकदा चर्चेत असते. काही दिवसांपूर्वी स्वरानं शेतकरी आंदोलनाला समर्थन देणारं ट्वीट केलं होतं. याशिवाय स्वरा आणि कंगना रणौत यांच्यात शेतकरी आंदोलनाच्या मुद्द्यावरून ट्विटर वॉर देखील पाहायला मिळालं. जेव्हा पॉप स्टार रिहानानं भारतातील शेतकरी आंदोलनासाठी पाठिंबा देणारं ट्वीट केला होता. त्यावेळी स्वरानं तिच्या भूमिकेला पाठिंबा दिला होता. त्यानंतर आता स्वरानं पुन्हा एकदा रिहानाला पाठिंबा देणारं ट्वीट केलं आहे. जे सध्या खूप चर्चेत आहे. स्वरा भास्करनं नुकतंच एक ट्वीट केलं आहे. ज्यानंतर ती सोशल मीडियावर पुन्हा एकदा चर्चेचा विषय ठरत आहे. स्वरा भास्करनं नुकतंच एक ट्वीट केलं आहे. ज्यात तिनं रिहनाचा उल्लेख 'तुकडे-तुकडे गँग'ची आंतरराष्ट्रीय सदस्य असा केला आहे. स्वरानं तिच्या ट्वीटमध्ये शूटिंग सेटवरील कॉफी मगचा फोटो शेअर केला आहे. या फोटोसोबतच्या कॅप्शनमध्ये लिहिलं, 'शूटिंग डे... हा फोटो 'तुकडे तुकडे गँग'ची नवी आंतरराष्ट्रीय सदस्य बहीण रिहानाला समर्पित.' पॉप स्टार रिहानानं काही दिवसांपूर्वीच भारतात सुरू असलेल्या शेतकरी आंदोलनाबाबत ट्वीट करत शेतकऱ्यांना पाठिंबा दिला होता. रिहानानंतर मिया खलिफा, ग्रेटा थनबर्ग, अमांडा सर्नी या सेलिब्रेटींनी शेतकऱ्यांना पाठिंबा देण्यासाठी केलेले ट्वीट सुद्धा सोशल मीडियावर व्हायरल झाले होते. यानंतर काही भारतीय सेलिब्रेटींनी रिहानाच्या ट्वीटला पाठिंबा दिला होता. तर काही सेलिब्रेटींनी सरकारच्या भूमिकेचा समर्थन देत रिहानाला विरोध केला होता.
from Marathi Bollywood News, Marathi Cinema News https://ift.tt/3cZ2EmQ
