मुंबई- अभिनेता सुनील शेट्टीची मुलगी आणि बॉलिवूड अभिनेत्री सोशल मीडियावर प्रचंड सक्रिय असते. ती तिचे वैयक्तिक आयुष्यातले नवनवीन फोटो कायमचं आपल्या चाहत्यांसोबत शेअर करत असते. तिच्या फोटोंना चाहत्यांकडून विशेष पसंती मिळते. नुकताच अथियाने डिझायनर अर्पिता मेहताने तयार केलेला आउटफिट घातला होता. याचं तिने खास फोटोशूटही केलं होतं. हे फोटो तिने आपल्या चाहत्यांसोबत शेअर केले. या फोटोंना अथियाच्या चाहत्यांकडून प्रचंड लाइक्स मिळाले. या आउटफिटमध्ये अथिया अतिशय सुंदर दिसत असल्याचं तिचे चाहते म्हणाले. या फोटोवर क्रिकेटर केएल राहुलने खास कमेन्ट केली आहे. त्याने फोटो किती आवडला हे सांगण्यासाठी एका इमोजीचा वापर केला. अथिया या संपूर्ण लुकमध्ये खूप सुंदर दिसते हे सांगण्यासाठी त्याने डोळ्यात हार्ट असलेलं इमोजी शेअर केलं. काही वर्षांपासून अथिया आणि एकमेकांना डेट करत असल्याचं म्हटलं जात आहे. पण दोघांनी कधीही स्वतःहून ही गोष्ट मान्य केली नाही. फक्त राहुलचं नाही तर अथियाच्या जवळच्या मैत्रिणी कृष्णा श्रॉफ, अदिती राव हैदरी यांनीही तिच्या फोटोवर कमेन्ट केली आहे. इतर कलाकारांनीही तिच्या फोटोंना लाइक केलं आहे. राहुल आणि आथिया दोघांना अनेकदा एकमेकांसोबत वेळ घालवताना आणि परदेशात फिरायला गेलेलं पाहिलं आहे. त्यांचे एकमेकांसोबतचे अनेक फोटो सोशल मीडियावर व्हायरल झाले आहेत. एवढंच नाही तर दोघं अनेकदा एकमेकांच्या फोटोंवर अशाच कमेन्ट करत असतात. त्यांच्या चाहत्यांना त्यांना एकत्र पाहणं जास्त आवडतं. अथिया नवाजुद्दीन सिद्दिक्कीसोबत 'मोतीचूर चकनाचूर' या सिनेमात अखेरची दिसली होती. तर केएल राहुल सध्या त्याच्या क्रिकेट करिअरवर जास्त लक्ष देत आहे.
from Marathi Bollywood News, Marathi Cinema News https://ift.tt/3jitnvC
