मुंबई- 'छोट्या पडद्यावरील '' या मालिकेतील येसूबाईंची भूमिका साकारणारी अभिनेत्री प्रेक्षकांची अत्यंत लाडकी आहे. या मालिकेतील भूमिकेमुळे ती मराठी प्रेक्षकांच्या घराघरात पोहोचली. तिने तिच्या उत्कृष्ट अभिनयाने येसूबाईंची भूमिका उत्तमरीत्या पार पाडली. त्यामुळे आजही मराठी प्रेक्षकांसाठी प्राजक्ताची ओळख अशीच आहे. प्राजक्ता सोशल मीडियावर प्रचंड सक्रिय असते. ती तिचे निरनिराळ्या वेशभूषेतील फोटो चाहत्यांसोबत शेअर करत असते. नुकताच तिने सोशल मीडियावर एक व्हिडीओ शेअर केला आहे. ज्यात एक छोटासा मुलगा तिची तयारी करताना दिसतोय. प्राजक्ता नेहमी निरनिराळ्या वेषभूषेमध्ये फोटोशूट करत असते. ते फोटो ती चाहत्यांसोबत शेअर करते. अशाच एका फोटोशूटसाठी तयारी करतानाचा व्हिडीओ प्राजक्ताने तिच्या इन्स्टाग्राम अकाउंटवर शेअर केला आहे. हा व्हिडीओ चाहत्यांना प्रचंड पसंत पडला असून त्याला काही तासातच हजारो लाईक मिळाले आहेत. या व्हिडिओमध्ये प्राजक्ता एक भरजरी घागरा परिधान करून खुर्चीवर बसलेली दिसत आहे आणि तिची मेकअप आर्टिस्ट तिचा मेकअप करत आहे. त्यात एक छोटासा मुलगा तिच्या घागऱ्यासोबत खेळताना दिसतोय. परंतु, तो तिच्या घागऱ्यासोबत खेळत नाहीये तर ती तिच्या घागऱ्याच्या घड्या पाडण्यासाठी मेहनत करताना दिसतोय. तो त्याच्या कामात इतका गुंग झाला आहे की त्याला आजूबाजूचं देखील भान नाही. त्याच्या आईने त्याला हात लावून उठण्याचा इशारा केला असता त्याने हातानेच तिला दोन मिनिटं थांब असं म्हणत पुन्हा कामाला सुरुवात केली. त्याचं काम पाहून प्राजक्ताच्या चेहऱ्यावर देखील हसू आलं आहे. तिने या व्हिडिओला 'माझा छोटासा कॉस्ट्यूम डिझायनर, मी तुझ्या कामाला सॅल्यूट करते' असं कॅप्शन दिलं आहे. हा व्हिडीओ चाहत्यांना आवडला आहे. काही वेळातच हा व्हिडीओ सोशल मीडियावर वायरल झाला आहे.
from Marathi Bollywood News, Marathi Cinema News https://ift.tt/3d2M040
