मुंबई- बॉलिवूडची झगमगाटी दुनिया बाहेरून जशी दिसते तशी नाही याचा अनुभव इथे नशीब आजमावण्यासाठी आलेल्या प्रत्येक कलाकाराला आला आहे. अनेक जणांना काही विचित्र घटनांना सामोरं जावं लागतं ज्यातून बाहेर पडण्याचा मार्गही त्यांना माहित नसतो. बॉलिवूडमध्ये होणाऱ्या कास्टिंग काऊचचा सामना तर कित्येक अभिनेत्रींना करावा लागला आहे. अनेकींनी हिम्मत दाखवून यासंदर्भात भाष्य केलं तर अनेकींनी गप्प राहण्याचा पर्याय निवडला. छोट्या पडद्यावरून लोकप्रिय झालेली अभिनेत्री देखील अशाच एका कास्टिंग काऊचचा शिकार झाली असती. याचा खुलासा अंकिताने एका मुलाखतीदरम्यान केला. नुकत्याच दिलेल्या एका मुलाखतीमध्ये अंकिताने सुशांतसिंह राजपूतसोबतच्या नात्यावर भाष्य केलं. तसेच तिने अनेक धक्कादायक खुलासेदेखील केले. तिने ती कास्टिंग काऊचचा अनुभव आल्याचं वक्तव्य केलं. जेव्हा अंकिता १९ वर्षांची होती तेव्हा तिला दाक्षिणात्य चित्रपटसृष्टीतून अभिनेत्रीच्या भूमिकेसाठी बोलावणं आलं होतं. तिथल्या हॉटेल रूमवर गेल्यावर तिथे उपस्थित व्यक्तीने तिला चित्रपटातील भूमिकेसाठी निर्मात्यासोबत कॉम्प्रोमाइझ करण्यासाठी सांगितलं. त्यावर भडकून अंकिताने उलट उत्तर देत त्या व्यक्तीची बोलती बंद केली. सोबत त्या व्यक्तीच्या चित्रपटात काम करण्यासाठी नकार देत तिथून निघून आली. इतकंच नाही तर बॉलिवूडमध्येही तिला नकोशा गोष्टींचा सामना करावा लागला होता. ज्यात एका बड्या अभिनेत्याने तिच्यासोबत गैरवर्तणूक केली होती. तिने म्हटलं की, तिने त्या बड्या अभिनेत्याला हस्तोलंदनासाठी हात पुढे केला असताना त्या अभिनेत्याने तिचा हात वाईट पद्धतीने पकडला होता. त्याच्या तो चुकीच्या पद्धतीने झालेला स्पर्श जाणवताच अंकिताने त्याच्या हातातून तिचा हात काढून घेतला होता. त्या अभिनेत्याला सगळे ओळखतात आणि अशा बड्या अभिनेत्याकडून अशी अपेक्षा नसल्याचं तिने म्हटलं. त्या घटनेनंतर तिने अत्यंत सावधानीने पुढची वाटचाल केली. सुशांतमुळे ' बाजीराव मस्तानी', 'हॅप्पी न्यू इयर', 'सुल्तान' सारख्या चित्रपटात काम करायला नकार दिल्याचं तिने सांगितलं.
from Marathi Bollywood News, Marathi Cinema News https://ift.tt/398Xxxz
