मुंबई- 'बिग बॉस' च्या घरात राहून गेलेल्या कलाकारांच्या आयुष्यावर प्रेक्षकांच्या नजरा कायम खिळलेल्या असतात कारण त्यांच्या आयुष्यात कधी कोणता ट्विस्ट येईल सांगू शकत नाही. त्यांचं नशीब कधीही बदलू शकतं. 'बिग बॉस' मधून त्यांना प्रचंड लोकप्रियता लोकप्रियतेचा फायदा त्यांना घरातून बाहेर आल्यावर होते. 'बिग बॉस' च्या घरात राहिलेली स्पर्धक सध्या सोशल मीडियावर चर्चेत आहे. अर्शी 'बिग बॉस' च्या १४ व्या सीजनमध्ये सहभागी झाली होती. त्यानंतर तिला अनेक प्रोजेक्ट ऑफर झाले होते. सूत्रांच्या माहितीनुसार अर्शी लवकरच छोट्या पडद्यावर तिचं स्वयंवर करणार आहे. यातून तिला तिच्या आवडीचा जीवनसाथी निवडायला मिळणार आहे. यापूर्वी राहुल महाजन, राखी सावंत आणि रतन राजपूत या कलाकारांनी छोट्या पडद्यावर त्यांचं स्वयंवर केलं होतं. त्यानंतर वाहिनीच्या निर्मात्यांनी अर्शी खानची या कार्यक्रमासाठी निवड केली आहे. सूत्रांच्या माहितीनुसार, या कार्यक्रमासाठीची पूर्वतयारी सुरु करण्यात आली आहे. निर्मात्यांचं म्हणणं आहे की, अर्शी खानच्या स्वयंवरामुळे वाहिनीच्या टीआरपी मध्ये वाढ होईल. प्रेक्षकांना अर्शी खानचं स्वयंवर पाहणं नक्की आवडेल. या कार्यक्रमाचं नाव 'आएंगे तेरे सजना सीजन वन विथ अर्शी खान' ठेवण्यात आलं आहे. या कार्यक्रमाचं निवेदन स्वतः राहून महाजन करणार आहे. अर्शी खानने 'बिग बॉस' च्या घरात असताना अनेकदा तिच्या स्वप्नातील राजकुमाराबद्दल सांगितलं आहे. तिला कसा पती हवा आहे याबद्दल तिची काही मतं आहेत. परंतु, घरात तिला अभिनव शुक्ला, अली गोनी आणि राहुल वैद्य सोबत फ्लर्ट करताना देखील पाहिलं गेलं आहे. त्यामुळे प्रेक्षकांच्या मनात अनेक प्रश्न उपस्थित झाले आहेत. अर्शी स्वयंवरामध्येही असंच वागणार का, असं चाहत्यांचं म्हणणं आहे. अर्शी मात्र तिच्या स्वप्नातील राजकुमाराची निवड करण्यासाठी अधीर झाली आहे.
from Marathi Bollywood News, Marathi Cinema News https://ift.tt/3vKKnAt
