मुंबई- बॉलिवूड अभिनेता रविवारी २१ मार्च रोजी साशा रामचंदानी सोबत वैवाह बंधनात अडकला आहे. कोलकातामधील एका गुरुद्वारामध्ये त्या दोघांनी लग्नगाठ बांधली आहे. या विवाह सोहळ्यासाठी काही मोजक्याच पाहुण्यांना आमंत्रित करण्यात आलं होतं. या विवाहासाठी बॉलिवूडमधील अनेक कलाकारांनी उपस्थिती लावली होती. अभिनेत्री शिल्पा शेट्टीने सोशल मीडियावर लग्नातील एक व्हिडीओ शेअर करत हरमनला शुभेच्छा दिल्या आहेत. 'व्हाट्स युअर राशी' चित्रपटात झळकलेला अभिनेता हरमन त्याच्या लग्नात अत्यंत हटके दिसत होता. त्याने नवरदेवाच्या पोषाखासाठी गुलाबी रंगाच्या चमकणाऱ्या शेरवानीची निवड केली होती. तर साशाने गडद लाल आणि गुलाबी रंगाचा लेहेंगा परिधान केला होता. त्यांच्या लग्नाचा व्हिडीओ इन्स्टाग्रामवर शेअर शिल्पाने नवविवाहित जोडप्याला शुभेच्छा दिल्या आहेत. तिने लिहिलं, 'हरमन आणि साशा... ही नवीन सुरुवात प्रेम, आनंद अंडी मैत्रीने होउदे. मी तुम्हा दोघांसाठी खूप आनंदी आहे.' सोबत शिल्पाने त्या दोघांचा एक फोटोही शेअर केला नई लिहिलं, 'हरमन आणि साशा तुम्हा दोघांच्या हसण्याला शुभेच्छा देते. मी तिथे नाहीये आणि तुम्हाला खूप मिस करतेय. तुम्हाला खूप प्रेम आणि आशीर्वाद.' शिल्पाचा पती राज कुंद्रा याने हरमनच्या संगीत सोहळ्यात धम्माल डान्स केला होता. त्याने भांगडा सादर केला होता. त्याच्या भांगड्याचं कौतुक करत शिल्पाने लिहिलं, 'नवऱ्याचं कौतुक करणारी पोस्ट. खरच खूप जबरदस्त डान्स. बघताना खूप छान वाटतं. खरंच सगळ्यात भारी.' राजने देखील त्याच्या इंस्टाग्रामवर हरमनच्या वरातीचा व्हिडीओ शेअर केला होता ज्यात आमिर अली आणि आशीष चौधरी ढोलांच्या आवाजावर डान्स करत होते. त्यानंतर हरमनदेखील नाचू लागला होता.
from Marathi Bollywood News, Marathi Cinema News https://ift.tt/3cSuAHo
