मुंबई- राष्ट्रीय पुरस्कार विजेत्या यांनी दोन दशकं बॉलिवूडवर राज्य केलं. त्यांच्या गोड आणि सुमधुर आवाजाने प्रेक्षकांना भुरळ पाडली. चित्रपटात त्यांचं गाणं असणं म्हणजे मानाची गोष्ट होती. अनेक कलाकार आणि दिग्दर्शक त्यांच्याकडे चित्रपटातील गाण्यासाठी रांग लावत. साधना यांच्या गायकीची चर्चा तेव्हा प्रत्येकाच्या तोंडी होती. त्यांनी अनेक सुपरहिट चित्रपटातील गाण्यांना त्यांचा आवाज दिला. काही वेळेस तर चित्रपट बॉक्स ऑफिसवर आपटला परंतु, त्यांची गाणी चाहत्यांनी उचलून धरली. साधना यांनी जवळपास २७ भाषांमध्ये गाणी गायली आहेत. जी एका गायिकेसाठी निश्चितच अभिमानाची बाब आहे. आज ७ मार्च रोजी त्यांचा वाढदिवस आहे. त्या निमित्ताने जाणून घेऊया त्यांच्या काही गाजलेल्या गाण्यांबद्दल. १. हर किसी को नही मिलता- जानबाझ साधना यांनी 'जानबाज' या चित्रपटातील या गाण्याला त्यांच्या आवाजाने एका वेगळ्याचं उंचीवर नेऊन पोहोचवलं. हे गाणं अभिनेत्री श्रीदेवी यांच्यावर चित्रित करण्यात आलं होतं. २. पेहला नशा पेहला खुमार - जो जीता वही सिकंदर आमिर खानच्या चित्रपटातील हे गाणं आजही प्रेक्षकांच्या तोंडी आहे. साधना यांच्या गायकीने हे गाणं अजरामर बनलं. ३. सात समुंदर पार- विश्वात्मा १९९२ साली प्रदर्शित झालेल्या 'विश्वात्मा' या चित्रपटातील हे गाणं अभिनेत्री दिव्या भारतीवर चित्रित करण्यात आलं होतं. आजही या गाण्याची जादू प्रेक्षकांवर कायम आहे. ४. आपके आ जाने से- खुदगर्ज अभिनेता गोविंदा आणि अभिनेत्री नीलम यांच्यावर चित्रित करण्यात आलेलं हे गाणं प्रेक्षकांच्या प्रचंड पसंतीस उतरलं होतं. गाण्याच्या बोलांचं प्रेक्षकांनी कौतुक केलं होतं. ५. जब कोई बात बिगड जाये- जुर्म साधना यांच्या गायकीने सजलेलं हे गाणं प्रेक्षकांसाठी एक अप्रतिम नजराणा ठरलं. प्रेक्षकांकडून हे गाणं अत्यंत नावाजलं गेलं. आजही प्रेक्षक हे गाणं गुणगुणताना दिसतात. ६. आओ ना- क्यू हो गया ना अभिनेत्री ऐश्वर्या राय आणि अभिनेता विवेक ओबरॉय याच्यावर चित्रित झालेलं हे गाणं ९० च्या दशकातील प्रेक्षकांचं अत्यंत आवडतं गाणं ठरलं. प्रेक्षकांनी या गाण्याचं भरपूर कौतुक केलं. ७. आईये आपका इंतजार था- विजयपथ प्रेमाच्या वाटेवर चालणाऱ्या प्रत्येक युगुलाच्या तोंडी तेव्हा हे गाणं बसलं होतं. तब्बू आणि अजय देवगण यांनी त्यांच्या अभिनयाने या गाण्याला चार चांद लावले होते. ८. नहीं ये हो नहीं सकता - बरसात आपल्या प्रेमाची कबुली देणाऱ्या प्रत्येकाला हे गाणं आजही जवळचं वाटतं. कुमार सानू आणि साधना यांचं हे गाणं प्रेक्षकांसाठी एक पर्वणी होतं. ९. तेरी उम्मीद तेरा इंतजार- दिवाना दिव्या भारती आणि शाहरुख खान यांच्या अभिनयाने सजलेलं हे गाणं प्रेक्षक आजतागायत गुणगुणत आलेत. साधना यांनी दिव्याच्या अभिनयाला त्यांच्या आवाजाने एका वेगळ्या उंचीवर नेऊन पोहोचवलं.
from Marathi Bollywood News, Marathi Cinema News https://ift.tt/30kq1Q9
