मुंबई- बॉबी देओलचा स्वॅग आणि त्याच्या डान्स स्टेपची कोणतीही तुलना होऊ शकत नाही. पण सध्या सोशल मीडियावर Bobbywood नावाच्या एका पेजने Lord Bobby च्या डान्सचा एक असा व्हिडिओ शेअर केला आहे ज्यात अनेकांना तो अंपायरच्या रुपात दिसत आहे. २४ सेकंदांच्या या व्हिडिओ क्लिपमध्ये बॉबीचे वेगवेगळे डान्स स्टेप एकत्र करून दाखवण्यात आले आहेत. ट्विटरवरचा हा व्हिडिओपाहून तुम्हालाही बॉबीमध्ये एक अंपायची झलक दिसू शकते.. एकदा हा व्हिडिओ पाहाच.. हा व्हिडिओ रविवारी शेअर केला गेला होता. बातमी लिहिपर्यंत व्हिडिओला ९० हजारांहून अधिक व्ह्यूज मिळाले. एवढंच नाही तर ७ हजारांहून जास्त लोकांनी व्हिडिओला लाइकही केलं आहे. अनेक नेटकऱ्यांनी कमेन्टमध्ये लिहिलं की त्यांनी बॉबीच्या या रुपाकडे कधी लक्षच दिलं नाही. बॉबी देओलच्या कामाबद्दल बोलायचं झालं तर २०१८ मध्ये आलेल्या 'रेस ३' सिनेमाने त्याच्या करिअरला वेगळं वळण दिलं. यात त्याने आपल्या बॉडीवर विशेष काम केलं होतं. या सिनेमानंतर त्याला अनेक चांगल्या ऑफर येऊ लागल्या. २०२० मध्ये त्याने ओटीटी प्लॅटफॉर्मवरही पदार्पण केलं. बॉबीने नेटफ्लिक्सची सीरिज 'क्लास ऑफ ८३' केली. यानंतर प्रकाश झा यांच्या 'आश्रम' या हिट वेब सीरिजमध्ये त्याने मुख्य भूमिका साकारली. या सीरिजसाठी त्याला दादासाहेब फाळके आंतरराष्ट्रीय पुरस्कारही मिळाला. सध्या तो 'लव्ह हॉस्टल' सिनेमाच्या चित्रीकरणात व्यग्र आहे. यात त्याच्यासोबत विक्रांत मैस्सी आणि सान्या मल्होत्रा यांच्याही महत्त्वपूर्ण भूमिका आहेत. सिनेमाचं लेखन आणि दिग्दर्शन शंकर रमन यांचं असून सिनेमाची कथा गावातील एका जोडप्यावर आधारित आहे.
from Marathi Bollywood News, Marathi Cinema News https://ift.tt/3rVjJT7