मुंबई ः अभिनेत्री कंगना रनौट हिच्या आयुष्यामध्ये अनेक चांगल्या घटना घडत आहे. अभिनयासाठी जाहीर झालेला , बहुचर्चित अशा 'थलाइवी' सिनेमाचा ट्रेलर लाँच आणि तिचा वाढदिवस मुंबईमध्ये दणक्यात साजरा झाला. गेल्या अनेक दिवसांपासून विविध कारणांमुळे कंगना चर्चेत आहे. त्यावरून काही जण तिच्यावर कडाडून टीका करतात तर काही तिच्या बाजूने बोलतात. त्यातच ती स्वतःही देखील तिची मते बेधडकपणे व्यक्त करत असल्यामुळे अनेकदा ती वादाच्या भोव-यातही अडकत आहे. या सगळ्या पार्श्वभूमीवर कंगनाला चौथ्यांदा अभियासाठी राष्ट्रीय पुरस्कार जाहीर झाल्यामुळे तिच्यावर अभिनंदनाचा वर्षाव होत आहे. यापाठोपाठ ज्येष्ठ राजकीय नेत्या जयललिता यांच्या आयुष्यावर आधारीत असलेल्या सिनेमा 'थलाइवी' सिनेमाचा ट्रेलर लाँच आणि त्याला मिळालेला उत्स्फूर्त प्रतिसाद यामुळे कंगनाचा वाढदिवस अधिकच खास झाला होता. कंगनाला मिळालेला हे यश साजरे करण्यासाठी म्हणून तिच्या भावाने अक्षतने खास पार्टीचे आयोजन केले होते. या पार्टीमध्ये कंगनाने एका विंटेज कारमधून एंट्री केली. यावेळी तिने केशरी आणि काळ्या रंगाची सिल्कची साडी, त्याला साजेसे आभूषणे असे पारंपरिक वेशभूषा परिधान केले होते. कंगनाचे या लूकमधील फोटो सोशल मीडियावर खूप व्हायरल झाले आहेत. पार्टीमध्ये 'थलाइवी' च्या टीमबरोबरच , एकता कपूर, विवेक अग्निहोत्री, आणि अश्विनी अय्यर -तिवारी हे सहभागी झाले होते. कंगनाने या पार्टीचे फोटो आणि व्हिडीओ सोशल मीडियावर शेअर केले आहेत. तसेच अनुपम खेर यांनी देखील त्यांच्या सोशल मीडियावर बर्ड गर्ल कंगना हिच्याबरोबरचा फोटो पोस्ट केला आहे. हा फोटो शेअर करत ते लिहितात, ' या शानदार संध्याकाळसाठी कंगना तुझे खूप आभार. तुम्हांला राष्ट्रीय पारितोषिक मिळाल्याबद्दल खूप अभिनंदन आणि वाढदिवसाच्या खूप शुभेच्छा. देव तुम्हाला दुनियेतील सर्व सुख देवो. थलाइवी सिनेमाचा ट्रेलर जबरदस्त आहे. सुरक्षित रहा.' दरम्यान, कंगना रनौट हिची 'थलाइवी' हा सिनेमा २३ एप्रिल २०१२१ मध्ये थिएटरमध्ये प्रदर्शित होणार आहे. सध्या ती 'धाकड', 'तेजस' या सिनेमाच्या चित्रिकरणामध्ये व्यग्र आहे. 'धाकड' सिनेमामध्ये ती एजेंट अग्नी तर 'तेजस' सिनेमामध्ये पायलट तेजस गिल ही भूमिका साकारत आहे.
from Marathi Bollywood News, Marathi Cinema News https://ift.tt/2Quoe9r
