मुंबई- छोट्या पडद्यावरील अत्यंत गाजलेली मालिका 'रात्रीस खेळ चाले' ने प्रेक्षकांना गुंतवून ठेवलं. पहिल्या दोन सीजनमध्ये प्रेक्षकांना जागीच खिळवून ठेवण्यात मालिका यशस्वी ठरली. मालिकेतील प्रत्येक पात्राने आपल्या अभिनयाच्या जादूने प्रेक्षकांची मन जिंकली. कोकणातील एका वाड्यामधील कुटुंबाची थरारक कथा प्रेक्षकांना प्रचंड आवडली. यांच्या मृत्यूनंतर मालिका संपली असं वाटत असताना निर्मात्यांनी पुन्हा एकदा मालिकेचा तिसरा सीजन सुरु करून प्रेक्षकांना आश्चर्याचा धक्का दिला. मालिकेच्या प्रोमोमध्ये दाखवल्याप्रमाणे अण्णा नाईक मृत्यूनंतरही त्यांचा वाडा सोडून जाण्यास तयार नाहीत. अण्णा नाईक या नावाची जणू गावात दहशत आहे. अगदी लहान मुलही अण्णा नाईकांचं नाव ऐकून रडायचं थांबतं. मालिकेच्या पाहिल्याचं भागात अण्णा प्रेक्षकांची मन जिंकण्यात यशस्वी झाले आहेत. पहिल्याच भागात त्यांनी त्यांच्या जिवंत असण्यावर प्रश्नचिन्ह निर्माण केलं आहे. पहिल्या भागात दाखवण्यात आल्याप्रमाणे अण्णा वाडा विकण्यासाठी एका व्यक्तीला गावात बोलवतात. त्यावेळेस संपूर्ण वाड्यात अण्णा सोडून एकही कुटुंबातील सदस्य दिसत नाही. अण्णा त्या व्यक्तीला दारू पिण्याचा आग्रह करतात आणि तो व्यक्तीही त्यांचं म्हणणं मान्य करतो. भरपूर दारू पिल्ल्यानंतर अण्णा त्या व्यक्तीच्या हातात बंदूक देऊन निशाणा लावायला सांगतात. दारूच्या धुंदीत त्या व्यक्तीचा निशाणा चुकून अण्णांना लागतो. परंतु, अण्णांना मात्र काहीचं होत नाही. अण्णा त्याच्या समोर उभे असतात. यावरून अण्णा नाईक जिवंत नाहीत हे सिद्ध होतं. पहिलाच भाग पाहिल्यावर प्रेक्षकांची उत्सुकता आणखी वाढली आहे. शिवाय अण्णा नाईक आले आता कधी दिसणार याची प्रेक्षक वाट पाहत आहेत.
from Marathi Bollywood News, Marathi Cinema News https://ift.tt/3vQiRl7
