मुंबई- अनलॉकनंतर आता कुठे बॉलिवूडची गाडी रुळावर येण्याची चिन्ह दिसत होती. अनेक निर्मात्यांनी त्यांच्या चित्रपटाच चित्रीकरण देखील सुरु केलं होतं. प्रेक्षकगृह सुरू झाल्याने अनेक चित्रपटाच्या प्रदर्शनाची घोषणाही करण्यात आली. परंतु, पुन्हा एकदा करोनाचा प्रसार वाढताना दिसतोय. काही दिवसांपूर्वी रणबीर कपूर, संजय लीला भन्साळी यांना करोनाची लागण झाल्याचं समोर आलं होतं. आता मात्र बॉलिवूडचा मिस्टर परफेक्टशनिस्ट करोनाच्या विळख्यात सापडला आहे. बॉलिवूड अभिनेता आमिर खानला करोनाची लागण झाली आहे. बॉलिवूडवरील करोनाचं संकट वाढतच चाललं असल्याचं दिसतंय. संजय लीला भन्साळी करोनातून नुकतेच बरे झाले असताना आमिरला करोनाची लागण झाल्याचं समजतंय. मिळालेल्या सूत्रांच्या माहितीनुसार, आमिरला नुकतंच एका चित्रपटाच्या स्क्रिनिंगदरम्यान पाहिलं गेलं होतं. त्यानंतर केल्या गेलेल्या करोना चाचणीमध्ये त्याची टेस्ट पॉसिटीव्ह आली आहे. सध्या आमिरला त्याच्या घरात क्वारंटाइन करण्यात आलं आहे. त्याची तब्येत आता ठीक असल्याची माहिती आमिरच्या टीममधील व्यक्तीकडून देण्यात आली. आमिरच्या संपर्कात आलेल्या व्यक्तींनादेखील करोना चाचणी करण्याचं आवाहन त्याच्या टीमकडून करण्यात आलं आहे. आमिरच्या संपर्कात आलेल्या व्यक्तींनी योग्य काळजी घ्यावी असं सांगण्यात आलं आहे. आमिरच्या चाहत्यांनी त्याच्या तब्येतीसाठी प्रार्थना केली आहे. सध्या देशभरात भीतीचं वातावरण असून अनेक राज्यात लॉकडाउन देखील लावण्यात आला आहे. महाराष्ट्रातही लॉकडाउन होण्याची चिन्ह दिसत आहेत. मुख्यमंत्र्यांसोबत कार्यक्रमाला हजेरीसोमवारी म्हणजेच २२ मार्चला जागतिक जल दिनाच्या निमित्तानं पाणी फाऊंडेशनच्या सत्यमेव जयते समृद्ध गाव स्पर्धेचा गौरव सोहळा मुख्यमंत्री उद्धव ठाकरे यांच्या उपस्थितीत पार पडला होता. या कार्यक्रमाला आमिर खाननं देखील उपस्थिती लावली होती.
from Marathi Bollywood News, Marathi Cinema News https://ift.tt/3cew3sg
