मुंबई: बॉलिवूडच्या रुपेरी पडद्यावर तर अनेक प्रेम कथा अजरामर झाल्या पण या पडद्यामागेही अशा काही प्रेम कथा होत्या ज्यावर दिर्घकाळ चर्चा झाली. अशीच एक कथा होती आणि यांची. सलमान खान आणि ऐश्वर्याच्या अफेअर बद्दल तर सर्वांनाच माहीत होतं पण त्यांचं नातं एका अशा वळणावर येऊन संपलं जे पुन्हा कधीच जोडलं जाऊ शकलं नाही. ज्यानंतर ऐश्वर्यानं आपल्या आयुष्यात पुढे जात अभिनेता अभिषेक बच्चनशी लग्न केलं. ज्यावर सलमाननंही प्रतिक्रिया दिली होती. सलमा आणि ऐश्वर्यानं अनेक चित्रपटात एकत्र काम केलं होतं. रुपेरी पडद्यावर त्यांची जोडी तर सुपरहिट ठरलीच पण त्यासोबतच त्यांच्या अफेअरच्या चर्चामध्येही चाहत्यांना खूपच रुची होती. सलमान आणि ऐश्वर्या एकमेकांच्या एवढे जवळचे होते की, आता लवकरच हे दोघंही लग्न करतील असंच सर्वांना वाटत होतं. पण दुर्दैवानं असं घडलं नाही. दोघांमधील वाद अगदी टोकाला पोहोचले आणि अखेर या दोघांचं ब्रेकअप झालं. सलमानचा डॉमिनेटींग वागणं या ब्रेकअपला कारणीभूत असल्याचं ऐश्वर्यानं एका मुलाखतीत सांगितलं होतं. एवढंच नाही तर सलमाननं ऐश्वर्याला मारहाण केल्याचंही बोललं गेलं होतं. अर्थानं सलमाननं या वृतात काहीच तथ्य नसल्याचं म्हटलं होतं. सलमानपासून दूर गेल्यानंतर ऐश्वर्याच्या आयुष्यात विवेक ओबेरॉयची एंट्री झाली. दोघांचं नातं चांगलं चाललं असतानाच विवेकनं सलमान बद्दल काही अशा गोष्टी बोलल्या ज्यामुळे अनेक वाद झाले. स्वतःला वादांपासून दूर ठेवण्यासाठी ऐश्वर्यानं विवेकसोबतचं नातंही तोडलं. त्यानंतर काही काळानं तिच्या आयुष्यात अभिषेक बच्चनची एंट्री झाली. या दोघांनी अनेक चित्रपटात एकत्र काम केलं होतं. याचवेळी दोघांमधील जवळीक वाढत गेली आणि अभिषेकनं ऐश्वर्याला लग्नासाठी प्रपोज केलं. ऐश्वर्यानं सुद्धा फार वेळ न घालवता त्याला होकार दिला आणि २००७ मध्ये या दोघांनी लग्न केलं. ऐश्वर्या आणि अभिषेकच्या लग्नानंतर आता सलमान खान काय प्रतिक्रिया देणार याकडेच सर्वांचं लक्ष लागून राहिलं होतं. एका मुलाखतीत सलमानला याबाबत प्रश्न विचारल्यावर त्यानं यावर बिनधास्त उत्तर दिलं होतं. तो म्हणाला होता, 'मला आनंद आहे की ऐश्वर्यानं अभिषेक बच्चनशी लग्न केलं. तो एक चांगला व्यक्ती आहे आणि चांगल्या कुटुंबातील आहे.' एवढंच नाही तर त्यानंतर अनेकदा त्यानं अभिषेकसाठी प्रेम आणि आदर दाखवला होता. सलमान बद्दल बोलायचं तर ऐश्वर्यानंतर त्याच्या आयुष्यात बऱ्याच मुली आल्या मात्र त्यांच्यासोबतचं त्याचं नातं लग्नापर्यंत पोहोचू शकलं नाही. सध्या तो त्याच्या आगामी चित्रपटाच्या शूटिंगमध्ये खूपच बिझी आहे. लवकरच तो बहुचर्चित चित्रपट 'राधे : युअर मोस्ट वॉन्टेड भाई'मधून प्रेक्षकांच्या भेटीला येणार आहे.
from Marathi Bollywood News, Marathi Cinema News https://ift.tt/3cbjOLU
