मुंबई- छोट्या पडद्यावरील लोकप्रिय मालिका '' प्रेक्षकांची अत्यंत आवडती मालिका आहे. या मालिकेला नुकतीच १० वर्ष पूर्ण झाली. तरीही मालिकेची लोकप्रियता कुठेही कमी झालेली नाही. मालिकेतील प्रत्येक पात्र वेगळ्या धाटणीचं असल्याने प्रत्येकाची स्वतंत्र शैली आहे. इतकी वर्ष होऊनही मालिकेच्या भागांमध्ये कुठेही तोचतोचपणा आला नाही. प्रत्येक पात्र आपल्या परीने प्रेक्षकांना हसवण्याचं काम करतं. मालिकेतील सर्व कलाकारांचा मालिकेच्या यशात तितकाच वाटा आहे. मालिकेतील जेठालाल म्हणजे प्रेक्षकांना जास्त भावतात. जेठालाल आणि बबिताजींच्या निरागस प्रेमाची खोडकर जुगलबंदी पाहायला प्रेक्षकांनादेखील आवडतं. यात बबिताजींनी म्हणजेच हिने सोशल मीडियावर पोस्ट करत सगळ्यांचं लक्ष वेधलं आहे. मुनमुन सोशल मीडियावर सक्रिय असते. तिने इन्स्टाग्राम अकाउंटवर नुकतीच एक पोस्ट केली आणि बघता बघता चाहत्यांनी मुनमुनच कौतुक करायला सुरुवात केली. या कौतुकाचं कारण म्हणजे तिने स्वतःला दिलेला नवा लुक. बऱ्याच महिन्यानंतर मुनमुनने केस कापून स्वतःला एक नवीन लुक दिला आहे. तिने तो लुक बुमरँग बनवून चाहत्यांसोबत शेअर करत त्यासोबत 'छोटे केस खूप दिवसांनी' असं कॅप्शन दिलं. मुनमुनचा हा लुक चाहत्यांना प्रचंड पसंत पडला आहे. त्यांनी तिचं कौतुकही केलं. अनेकांनी तिच्या पोस्टवर हार्टचे इमोजी पोस्ट केले आहेत. एका युझरने तर तुम्ही फारच अप्रतिम आणि भन्नाट दिसताय असं लिहिलं. मुनमुन या लुकमध्ये खूप सुंदर आणि तरुण दिसतेय. शिवाय तिच्या चेहऱ्यावर आनंद आहे. गायक बनण्याचं स्वप्न पाहणाऱ्या मुनमुनचा 'तारक मेहता का उल्टा चश्मा' या मालिकेतील भूमिका मिळवण्याचा प्रवास इतका सोप्पा नव्हता. तिला जेठालालची भूमिका करणाऱ्या दिलीप यांच्या सांगण्यावरून ही भूमिका देण्यात आली होती. कार्यक्रमात मुनमुन बंगाली महिलेची भूमिका साकारत आहे. जी अय्यर यांची पत्नी आहे.
from Marathi Bollywood News, Marathi Cinema News https://ift.tt/2NE9Mea
