मुंबई: बॉलिवूड असो किंवा टीव्ही सेलिब्रेटी. कोणत्याही कलाकाराचे चाहते जेवढे जास्त तेवढेच त्याचे विरोधकही असतात. अनेकदा अभिनेत्रींना धमक्या सुद्धा मिळतात. असंच काहीसं घडलं आहे बिग बॉस १३ ची स्पर्धक अभिनेत्री शहनाझ गिलसोबत. काही दिवसांपूर्वी शहनाझला अ‍ॅसिड हल्ल्याच्या धमक्या मिळल्या असल्याचं बोललं जात आहे. ज्यावर आता शहनाझनं प्रतिक्रिया दिली आहे. शहनाझनं तिला अ‍ॅसिड हल्ल्याच्या धमक्या मिळणाबाबत आता प्रतिक्रिया दिली आहे. शहानाझला या अशा धमक्यांची भीती वाटत नाही. उलट तिला अशा धमक्या देणाऱ्यांचे आभार मानावेसे वाटतात. एका मुलखतीत शहनाझ म्हणाली, 'या धमक्यांनी माझ्यावर काहीच फरक नाही पडत उलट मला वाटतं की हे सर्व मला जास्त ताकद देतात. या लोकांना या गोष्टीची कल्पना सुद्धा नसते की, जर तुम्ही कोणासाठी तरी नकारात्मक बोलत असाल तर ते त्या वक्तीसाठी सकारात्मक गोष्टीत बदलू शकतं.' शहनाझ पुढे सांगते, 'मला माहीत आहे की, माझ्या चाहत्यांचं माझ्यावर किती प्रेम आहे. त्यामुळे अशा धमक्यांनी मला फारसा फरक पडत नाही. मी नेहमीच माझ्या कामावर लक्ष केंद्रीत करते. इतर लोक माझ्याबद्दल काय विचार करतात याने मला काहीच फरक नाही पडत कारण मी त्यांची मानसिकता बदलू शकत नाही.' नुकतंच शहनाझ गिलचं नवं गाणं रिलीज झालं आहे. ज्यात ती रॅपर बादशाहसोबत दिसत आहे. तिच्या या गाण्याला चाहत्यांचं भरभरून प्रेम मिळत आहे. रिलीजनंतर लगेचच हे गाण सोशल मीडियावर तुफान व्हायरल होताना दिसत आहे. या गाण्यात शहनाझचा एक वेगळाच अंदाज पाहायला मिळत आहे आणि ही जोडी चाहत्यांचा पसंतीस उतरली आहे. शहनाझच्या या गाण्यावर बिग बॉस १३चा विजेता आणि शहनाझचा बेस्ट फ्रेंड सिद्धार्थ शुक्लानं सुद्धा कमेंट केली आहे. त्यानं बादशाह आणि शहनाझसाठी ट्वीट केलं आहे. ज्यात त्यानं लिहिलं, 'आत्ताच FLY गाणं ऐकलं. मला हे गाणं खूप आवडलं. मी बादशाहचा चाहता आहे आणि तू या गाण्यात कमाल केली आहे. मला तुझा अभिमान वाटतो.'
from Marathi Bollywood News, Marathi Cinema News https://ift.tt/2O0wzB9
