मुंबई: ग्लोबल स्टार मागच्या काही दिवसांपासून तिचं पुस्तक 'अनफिनिश्ड'मुळे जगभरात चर्चेचा विषय ठरली होती. या पुस्तकात प्रियांकानं तिच्या बालपणापासून ते आत्तापर्यंतचे अनेक चांगले-वाईट खुलासे केले आहेत. ज्याच्या बद्दल कोणालाही फारसं काही माहीत नाही. पण आता पुन्हा एकदा प्रियांकांच्या नावाची चर्चा सगळीकडे होताना दिसत आहे. कारण प्रियांकानं लवकरच न्यूयॉर्क शहरात एक रेस्टॉरन्ट सुरू करणार आहे. ज्याची माहिती तिनं सोशल मीडियावरून नुकतीच आपल्या चाहत्यांना दिली. प्रियांकानं तिच्या इन्टाग्रामवर काही फोटो शेअर करत लवकरच ती न्यूयॉर्क शहरात एक रेस्टॉरन्ट सुरू करत असल्याचं सांगितलं. ज्याचं नाव 'सोना' असं आहे. या रेस्टॉरन्टच्या पुजेच्या वेळचे काही फोटो प्रियांकानं तिच्या इन्स्टाग्रामवर शेअर केले आहेत जे सप्टेंबर २०१९ मध्ये क्लिक करण्यात आले होते. हे फोटो शेअर करताना प्रियांकानं लिहिलं, न्यूयॉर्क शहरात आला नवीन रेस्टॉरन्ट 'सोना' तुमच्यासाठी सादर करत आहोत. ज्यात भारतीय खाद्यपदर्थांसाठी माझं प्रेम आहे. या रेस्टॉरन्टमध्ये तुम्हाला जुना भारत आणि जे खाद्यपदार्थ खात मी लहानाची मोठी झाले. त्यांची झलक पाहायला मिळणार आहे. या महिन्याच्या अखेर पर्यंत हे रेस्टॉरन्ट सर्वांसाठी खुलं होणार आहे. तुमच्या सर्वांची वाट पाहत आहे. प्रियांकाच्या रेस्टॉरन्टची खास गोष्ट ही आहे की, यात सर्वांना भारतीय पदार्थांचा आस्वाद घेता येणार आहे. प्रियांकाचं भारतीय खाद्य पदार्थांवर किती प्रेम आहे हे सर्वांनाच माहीत आहे. एका मुलाखतीत तिनं, 'मला रोज जेवणात एक पदार्थ हमखास लागतो आणि ते म्हणजे 'लोणचं' त्याशिवाय माझं जेवण पूर्ण होत नाही' अशी कबुली दिली होती. त्यामुळे आता तुम्ही न्यूयॉर्कमध्ये गेलात तर प्रियांकाच्या रेस्टॉरन्टला भेट देऊन त्या ठिकाणी भारतीय जेवणाचा आस्वाद घेऊ शकता. प्रियांकाच्या वर्कफ्रंट बद्दल बोलायचं झालं तर, काही दिवसांपूर्वीच तिचा 'द व्हाइट टायगर' हा चित्रपट नेटफ्लिक्सवर रिलीज झाला. ज्यात ती राजकुमार रावसोबत दिसली होती. याशिवाय तिच्याकडे हॉलिवूडचे दोन च्त्रपट आहेत. लवकरच ती सॅम ह्यूएन आणि सेलिन डायॉनसोबत 'टेक्स फॉर यू' आणि कियानू रीव्ससोबत 'मॅट्रिक्स ४'मध्ये दिसणार आहे.
from Marathi Bollywood News, Marathi Cinema News https://ift.tt/3rozfH5
