मुंबई: सध्या बॉलिवूडच्या बिग बजेट चित्रपटांची सोशल मीडियावर जोरदार चर्चा आहे. पण बाहुबली फेम दिग्दर्शक एसएस राजामौली यांचा आगामी चित्रपट 'RRR'ची चर्चा सर्वात जास्त होताना दिसत आहे. काही दिवासांपूर्वीच आलिया भट्टच्या वाढदिवसांच्या निमित्तानं या चित्रपटातील तिचा फर्स्ट लुक रिलीज करण्यात आला होता. त्यानंतर आता या चित्रपटातील अभिनेत्याचा फर्स्टलुक समोर आला आहे. यातील पोस्टरमध्ये तो धनुष्यबाणासह दिसत आहे. राजामौली यांच्या 'RRR'मध्ये अभिनेता मुख्य भूमिकेत आहे. रामचरणच्या वाढदिवसाच्या एक दिवस आधीच त्याचा या चित्रपटातील फर्स्ट लुक रिलीज करण्यात आला. आलियानं तिच्या इन्स्टाग्रामवर राम चरणचा 'RRR'मधील फर्स्ट लुक शेअर केला आहे. ज्यात त्याच्या हातात धनुष्यबाण दिसत आहे तर मागच्या बाजूला युद्धाचं दृश्य आणि चेहऱ्यावर एक घाव दिसत आहे. हा लुक शेअर करताना आलियानं लिहिलं, 'तेजस्वी, ताकदवान आणि धाडसी... हा आहे सीताचा रामाराजू' याशिवाय राम चरणनं सुद्धा ट्विटरवर स्वतःचा या चित्रपटातील फर्स्ट लुक शेअर केला आहे. हे पोस्टर शेअर करताना त्यानं लिहिलं, धाडस, गौरव आणि प्रतिष्ठा. एक व्यक्ती जो या सर्वांला अर्थ देतो. माझं हे भाग्य आहे की भूमिका मी साकारत आहे. या चित्रपटाचं नाव 'RRR' अनेकांना थोडं वेगळं वाटतं पण याचा फुलफॉर्म 'राइझ, रोर रिवॉल्ट' असा आहे. ज्याचा अर्थ उठा, आवाज उठवा आणि बदला घ्या असा होतो. हा चित्रपट आलिया भट्टचा पहिला दाक्षिणात्य चित्रपट आहे. या चित्रपटातून ती दाक्षिणात्य चित्रपट सृष्टीत पदार्पण करत आहे. या चित्रपटात ती रामचरणच्या ऑनस्क्रिन पत्नी 'सीता'ची भूमिका साकारत आहे. या चित्रपटाची कथा स्वातंत्र्य सेनानी अल्लूरी सीताराम राजू याच्या जीवनावर आधारित आहे. या चित्रपटात जूनियर एनटीआर आणि अजय देवगण यांच्याही महत्त्वपूर्ण भूमिका आहेत.
from Marathi Bollywood News, Marathi Cinema News https://ift.tt/31ot76i