मुंबई- बॉलिवूडचा भाईजान असलेला सलमान खानच्या बहुचर्चित '' चित्रपटाचा ट्रेलर २२ एप्रिल एप्रिल रोजी प्रदर्शित करण्यात आला. चित्रपटाचा ट्रेलर प्रेक्षकांना प्रचंड पसंत पडला असून काही तासांतच ट्रेलरला लाखांमध्ये व्हीव्यू मिळाले होते. नुकतंच चित्रपटातील 'सीटी मार' हे गाणं देखील प्रदर्शित करण्यात आलं आहे आणि प्रदर्शित होताच हे गाणं युट्युबवर ट्रेंडिंग झालं आहे. यावरूनच प्रेक्षकांना भाईजानच्या चित्रपटातील गाणं किती आवडलं आहे याचा अंदाज येतो. एकीकडे सलमानचे चाहते ट्रेलर पाहून त्याच्या अभिनयाचं कौतुक करत आहेत तर दुसरीकडे या चित्रपटाच्या ट्रेलरवरचे अनेक मीम्स सोशल मीडियावर वायरल झाले आहेत. हे मीम पाहून प्रेक्षक स्वतःचं हसू रोखू शकत नाहीयेत. चाहते देखील या मीमची मजा घेत आहेत. एका मीममध्ये चाहत्यांनी सलमानच्या कपड्यांवरून त्याची थट्टा उडवली आहे. या मीममध्ये सलमानने 'रेस ३' चित्रपटातील कोट पुन्हा घातला असल्याचं दिसतंय. त्यावरून चाहते त्याची थट्टा करत आहेत. तर काही मीममध्ये सलमान चक्क करोनायोद्धा बनून जनजागृती करताना दिसत आहे. सलमानचा एक व्हिडीओ तयार करून सोशल मीडियावर पोस्ट करण्यात आला आहे. सलमानचा ': युअर मोस्ट वॉण्टेड भाई' चित्रपट प्रभुदेवाने दिग्दर्शित केला आहे. तर दिशा पाटनी चित्रपटात मुख्य भूमिकेत दिसणार आहे. बॉलिवूडचा लोकप्रिय अभिनेता रणदीप हुड्डा या चित्रपटात नकारात्मक भूमिका साकारत आहे. हा चित्रपट यावर्षीच्या ईदला म्हणजेच १३ मे रोजी अनेक ठिकाणी प्रदर्शित केला जाणार आहे. हा चित्रपट प्रेक्षकगृहांसोबतच ओटीटी प्लॅटफॉर्मवर देखील प्रदर्शित केला जाणार आहे.
from Marathi Bollywood News, Marathi Cinema News https://ift.tt/3xlVzoa
