मुंबई: दोन दिवसांपूर्वी नदीम-श्रवण या जोडीतील श्रवण अर्थात श्रवणकुमार राठोड यांनी या जगाचा नुकताच निरोप घेतल्यानंतर करोनानं संगीत क्षेत्राला आणखी एक धक्का दिला आहे. राजन-साजन मिश्रा या प्रसिद्ध जोडीतील पद्मभूषण पंडित यांचं नुकतंच निधन झालं. राजन मिश्रा यांचं करोनानं निधन झालं असून आज म्हणजेच रविवारी सायंकाळी ६.३० च्या सुमारास दिल्लीतील सेंट स्टीफन्स रुग्णालयात त्यांनी अखेरचा श्नास घेताला. राजन मिश्रा हे भारतातली प्रसिद्ध शास्त्रीय गायक होते. २००७ मध्ये भारत सरकारनं त्यांना पद्मभूषण पुरस्कारानं सन्मानीत केलं होतं.बनारस घराण्याच्या पं. राजन -साजन मिश्रा यांच्या जोडीनं आतापर्यंत लाखो रसिकांना मंत्रमुग्ध केलं होतं.राजन यांच्या निधनानं संगीत क्षेत्रातील मान्यवरांनी शोक व्यक्त केला आहे. शेवटपर्यंत संगीतप्रवास एकत्रच करू‘आम्ही शरीराने जरी वेगळे असलो, तरी आत्मा एकच आहे. आयुष्यभर एकत्र गात राहू, एकमेकांची साथ कधीही साथ सोडली नाही. यापुढेही सोडणार नाही. शेवटच्या श्वासापर्यंत संगीताचा प्रवास एकत्रच करायचा आहे......’.. अशा भावना राजन यांनी एका कार्यक्रमा दरम्यान व्यक्त केल्या होत्या.
from Marathi Bollywood News, Marathi Cinema News https://ift.tt/3aAT3Ri
