मुंबई- बॉलिवूड अभिनेता सलमान खानचा '' चित्रपट ईदच्या दिवशी प्रदर्शित होणार आहे. नुकतंच चित्रपटातील एक गाणं प्रेक्षकांच्या भेटीला आलं आहे. चित्रपटाच्या ट्रेलरने सोशल मीडियावर धुमाकूळ घातला होता. त्याप्रमाणेच चित्रपटातील 'सीटी मार' हे गाणंदेखील चाहत्यांना प्रचंड पसंत पडलं आहे. सगळीकडे या गाण्याचीच चर्चा आहे. या गाण्यासाठी सलमानने दाक्षिणात्य सुपरस्टार अल्लू अर्जुनचे आभार मानले आहेत आणि अल्लू अर्जुनने देखील त्यावर प्रतिक्रिया दिली आहे. 'राधे' चित्रपटातील 'सीटी मार' हे गाणं अल्लू अर्जुनच्या २०१७ साली प्रदर्शित झालेल्या 'डीजे' या चित्रपटातील गाण्याचं रिक्रिएटेड व्हर्जन आहे. त्यामुळे सलमानने ट्विटद्वारे अल्लू अर्जुनचे आभार मानले. त्याने लिहिलं, 'सीटी मार गाण्यासाठी तुझे खूप खूप धन्यवाद अर्जुन. ज्या पद्धतीने तू त्या गाण्यामध्ये नृत्य केलं आहे, जी स्टाइल वापरली आहे, जसं प्रदर्शन केलं आहे ते खूप धमाकेदार आहे. स्वतःची काळजी घे आणि सुरक्षित राहा. तुझ्या कुटुंबियांना देखील प्रेम. लव्ह यु भावा...' सलमानच्या या ट्विटवर अल्लू अर्जुनने देखील ट्विट करत उत्तर दिलं आहे. सलमानच्या चित्रपटासाठी शुभेच्छा देत त्याने लिहिलं, 'खूप खूप धन्यवाद सलमान गुरू. हे माझं भाग्य आहे की तुम्ही माझी प्रशंसा करताय. हे तुमचं प्रेम आहे. मोठ्या पडद्यावर राधेची जादू पाहायला आम्ही तयार आहोत. जेव्हा तुमचे चाहते तुमच्यासाठी सीटी मारवर नाचत असतील. तुमच्या प्रेमासाठी खूप खूप धन्यवाद.' सलमानचं हे गाणं प्रेक्षकांना भरपूर आवडलं आहे. गाण्यात सलमानसोबत दिशा पाटनीदेखील जबरदस्त नृत्य करताना दिसतेय. चित्रपटात सलमानविरुद्ध अभिनेता रणदीप हुद्दा नकारात्मक भूमिका साकारत आहे. याशिवाय जॅकी श्रॉफ यांचीही चित्रपटात महत्वाची भूमिका आहे. हा चित्रपट १३ मे रोजी चित्रपटगृह आणि ओटीटीवर प्रदर्शित होणार आहे.
from Marathi Bollywood News, Marathi Cinema News https://ift.tt/2Ppk82f
