मुंबई- काही दिवसांपूर्वी भारतीय क्रिकेट संघाचा सगळ्यात शांत कप्तान म्हणून प्रसिद्ध असलेल्या राहुल द्रविडचा एक व्हिडीओ सोशल मीडियावर वायरल झाला होता. त्यात तो भरपूर रागावलेला दिसत होता. शिवाय तो स्वतःला 'मी इंदिरानगरचा गुंड आहे' असं म्हणवून घेत होता. राहुलने चित्रित केलेल्या एका कंपनीच्या जाहिरातीचा हा व्हिडीओ होता. त्यानंतर सोशल मीडियावर इंदिरानगरचा गुंडचे भरपूर मीम वायरल होत आहेत. सोशल मीडियावर इंदिरानगरचा गुंडचा ट्रेण्ड पाहायला मिळतोय. ज्यात आता लोकप्रिय बॉलिवूड अभिनेत्री दीपिका पदुकोणने देखील सहभाग घेतला आहे. दीपिकाने तिच्या इन्स्टाग्राम अकाउंटवरून तिच्या एक बालपणीचा फोटो चाहत्यांसोबत शेअर केला आहे. या फोटोत दीपिकाने स्वेटर आणि कानटोपी घातली आहे. हा फोटो चाहत्यांसोबत शेअर करत तिने फोटोच्या कॅप्शनमध्ये ' मी आहे' असं लिहिलं आहे. तिच्या या फोटोवर चाहत्यांनी प्रेमाचा वर्षाव केला आहे. तिचा बालपणीचा फोटो पाहून सगळेच खूप खुश झाले आहेत. चाहत्यांनी तिच्या फोटोवर निरनिराळ्या प्रतिक्रिया दिल्या आहेत. अनेकांनी तिला निरागस गुंडी म्हटलं आहे. तर काहींनी आमचं या गुंडीवर प्रेम आहे असं म्हटलं आहे. चाहत्यांनी फोटोला भरपूर लाईक आणि कमेंट केलं आहे. तिचा हा हटके अंदाज सगळ्यांना पसंत पडला आहे. राहुल द्रविडने क्रेड कंपनीच्या जाहिरातीसाठी तो व्हिडीओ चित्रित केला होता. त्यानंतर भारतीय संघाचा आताचा कप्तान विराट कोहलीने तो व्हिडीओ सोशल मीडियावर शेअर केला होता. त्यात त्याने 'दादा तुझं हे रूप आम्ही कधीही पाहिलं नाही' असं म्हटलं होतं. त्या व्हिडिओत राहुल बॅटने इतर गाड्याची तोडफोड करताना दिसले होते. त्यानंतरच 'इंदिरानगरचा गुंड' हा मीम वायरल झाला होता.
from Marathi Bollywood News, Marathi Cinema News https://ift.tt/3mCnVpa