मुंबई- छोट्या पडद्यावरील लोकप्रिय कार्यक्रम 'खतरों के खिलाडी ११' लवकरच प्रेक्षकांच्या भेटीला येणार आहे. एप्रिल महिन्याच्या शेवटच्या आठवड्यात कार्यक्रमाचं चित्रीकरण सुरू करण्याचा निर्णय निर्मात्यांकडून घेण्यात आला आहे. कार्यक्रमाच्या चित्रीकरणासाठी जागेची देखील निवड करण्यात आली आहे. '' नंतर ' कार्यक्रमाची प्रेक्षकांमध्ये उत्सुकता पाहायला मिळतेय. प्रेक्षक आतुरतेने कार्यक्रमाची वाट पाहत आहेत. कार्यक्रमात कोणकोणते कलाकार सहभागी होणार आहेत याचीदेखील प्रेक्षकांना उत्सुकता आहे. मिळालेल्या माहितीनुसार, आतापर्यंत आठ कलाकारांनी कार्यक्रमात सहभागी होण्यासाठी तयारी दर्शवली आहे. 'बिग बॉस १४' मध्ये आपल्या सौंदर्याने प्रेक्षकांना घायाळ करणारी अभिनेत्री निक्की तांबोळी या कार्यक्रमाचा भाग होण्यासाठी तयार आहे. यावेळेस प्रेक्षकांना तिच्या इच्छाशक्तीचा प्रत्यय येणार आहे. 'बिग बॉस १४' चा रनर अप ठरलेला राहुल वैद्य या कार्यक्रमात सहभागी होणार आहे. या कार्यक्रमासाठी राहुलने डान्स शो 'नच बलिये' ची ऑफर नाकारली आहे. सौरभ राज जैन टीव्हीवरील मालिका 'महाभारत' मध्ये श्रीकृष्णाची भूमिका साकारून प्रेक्षकांची मनं जिंकणारा अभिनेता सौरभ राज जैन या कार्यक्रमाचा भाग होणार आहे. वरुण सूद 'रोडीज' फेम वरुण सूददेखील यावेळेस 'खतरों के खिलाडी' मध्ये सहभाग घेणार आहे. 'रोडीज' मध्ये केलेल्या टास्कची त्याला इथे मदत होणार आहे. आस्था गिल बादशाहाच्या लोकप्रिय 'डीजे वाले बाबू' गाण्यातून लोकांच्या हृदयात स्थान मिळवणारी गायिका आस्था गिल 'खतरों के खिलाडी' मध्ये सहभागी होऊ शकते. अभिनव शुक्ला 'बिग बॉस १४' चा स्पर्धक आणि रुबीना दिलैकचा नवरा अभिनव शुक्लादेखील या कार्यक्रमाचा एक भाग होणार आहे. एजाज खान बॉलिवूड आणि टीव्ही इण्डस्ट्रीमध्ये नाव कमावल्यावर 'बिग बॉस १४' मध्ये आपल्या खेळासाठी प्रेक्षकांकडून प्रेम मिळवणारा एजाज खान 'खतरों के खिलाडी ११' मध्ये सहभागी होणार आहे. अर्जुन बिजलानी लोकप्रिय सूत्रसंचालक आणि अभिनेता अर्जुन बिजलानीने 'खतरों के खिलाडी ११' मध्ये सहभागी होण्यासाठी होकार दिला आहे.
from Marathi Bollywood News, Marathi Cinema News https://ift.tt/3a3BLvw