मुंबई : जागतिक पातळीवर सन्मानाचा असा पुरस्कार सोहळा म्हणजे ऑस्कर. यंदा या सोहळ्यामध्ये भारतीय सिनेमाचा कोणत्याच विभागात समावेश नव्हता. परंतु या कार्यक्रमात दिवंगत इरफान खान यांना श्रद्धांजली अर्पण करण्यात आली. यामुळे प्रत्येकजण भावूक झाला होता. दरम्यान, याआधी झालेल्या ऑस्कर सोहळ्यात काही भारतीय कलाकारांनी आपले नाव या पुरस्कारावर कोरले आहे. या कलाकारांबद्दल जाणून घेऊयात.. सर्वात पहिला ऑस्कर पुरस्कार मिळवला तो वेशभूषाकार यांनी. अथैय्या यांना १९८२ मध्ये प्रदर्शित झालेल्या 'गांधी' या सिनेमातील वेशभूषेसाठी हा पुरस्कार मिळाला होता. हा सिनेमा महात्मा गांधी यांच्या जीवनावर आधारीत होता. त्यानंतर ऑस्कर पुरस्कारावर नाव कोरले ते ज्येष्ठ दिग्दर्शक सत्यजीत रे यांनी. सत्यजीत रे यांनी भारतीय सिनेसृष्टीसाठी अनमोल योगदान दिले आहे. आजही त्यांचे सिनेमे प्रत्येक कलाकाराला प्रेरणा देणारे आणि शिकणारे आहेत. अशा या ज्येष्ठ दिग्दर्शकाला जीवनगौरव पुरस्कार देऊन गौरव करण्यात आला. त्यानंतर हा पुरस्कार मिळाला तो 'स्लमडॉग मिलेनियर' या सिनेमासाठी संगीतकार आणि यांना. या सिनेमातील 'जय हो' या गाण्यासाठी गीताकार म्हणून गुलजार यांना आणि संगीतकार म्हणून रहमान यांना गौरवण्यात आले होते. या दोघांनी अनेक सिनेमांमसाठी एकत्र काम केले आहे. परंतु त्यांच्या या गाण्याने इतिहास निर्माण केला आहे. याच सिनेमासाठी भारतीय साऊंड डिझायनर रसुल पूकुट्टी यांना ऑस्कर पुरस्कार मिळाला होता. भानु अथैय्या, सत्यजीत रे, गुलजार, रहमान आणि पूकुट्टी यांनी जागतिक स्तरावर भारताचे नाव उंचावले आहे. याचा प्रत्येक भारतीयाला सार्थ अभिमान आहे.
from Marathi Bollywood News, Marathi Cinema News https://ift.tt/3gETGNp
