मुंबई : बॉलिवूडमध्ये अशा अनेक अभिनेत्री आहेत, त्या फिटनेससाठी आणि त्यांच्या जीवनशैलीसाठी ओळखल्या जातात. परंतु आपली वेगळी ओळख धक-धक गर्ल माधुरी दीक्षितने तयार केली आहे. माधुरी आजही लोकप्रिय अभिनेत्री असून तिच्या नृत्याचे अनेकजण चाहते आहेत. सोशल मीडियावरही माधुरी सक्रीय असते. ती सातत्याने तिचे फोटो व्हिडीओ पोस्ट करत असते. त्यालाही तिचे चाहते भरभरून प्रतिसाद देत असतात. माधुरी दीक्षितआज ५४ वा वाढदिवस साजरा करत आहे. माधुरीने बॉलिवूडमध्ये अनेक हिट सिनेमे दिले आहेत. आजही ती मनोरंजन सृष्टीत सक्रीय आहे. ५४ वर्षांची माधुरी कोट्यवधींची मालकणी आहे. आलिशान गाड्या, बंगला तसेच देशा- परदेशात तिच्या अनेक प्रॉपर्टी आहेत. माधुरी जेव्हा सिनेमात काम करायची तेव्हा ती ५० लाख ते १ कोटीच्या आसपास मानधन घ्यायची. आजमितीला माधुरी फार सिनेमे करत नसली तरी एका सिनेमासाठी ती ४ ते ५ कोटी रुपये घेते. माधुरीची मुंबई आणि अमेरिकेत मोठी प्रॉपर्टी आहे. माधुरीने फ्लोरिडा येथे मोठी प्रॉपर्टी विकत घेतली आहे. तसेच अमेरिकेतील मियामी येथेच तिने चक्क एक मॉलदेखील विकत घेतला आहे. माधुरीला गाड्यांची खूप आवड आहे. त्यामुळेच तिच्याकडे ऑडी, रॉल्स रॉयस यासारख्या आलिशान गाड्या आहेत. गेल्याच वर्षी माधुरीने टोयोटा इनोवा क्रिस्टाचे अत्याधुनिक व्हर्जन असलेली गाडी विकत घेतली आहे. या गाडी इतकी आलिशान आहे की बाकीच्या सर्व गाड्या त्या पुढे फिक्या वाटतात. या गाडीमध्ये चक्क फ्रीज आहे. त्याशिवाय ट्रे आणि कप होल्डर देखील आहे. विविध जाहिराती, ब्रँड प्रमोशन आणि सोशल मीडियाच्या माध्यमातूनही माधुरीची बक्कळ कमाई होत असते. सध्या माधुरी एका डान्स इंडिया डान्स कार्यक्रमासाठी परीक्षक म्हणून काम करत आहे. त्या कार्यक्रमासाठी ती १ कोटी रुपये इतके मानधन घेते. याशिवाय माधुरी आणि तिचा नवरा श्रीराम नेने हे युरेको फोर्ब्ससाठी ब्रँड अॅबेसिडर म्हणून काम करत आहेत. त्यासाठी त्यांना १०० कोटी रुपये मानधन म्हणून दिले जातात. मीडिया रिपोर्टसनुसार माधुरी दीक्षितची एकूण संपत्ती २५० कोटी रुपयांहून अधिक आहे.
from Marathi Bollywood News, Marathi Cinema News https://ift.tt/3ydfaaw
