मुंबई- बॉलिवूड अभिनेत्री हिची मोठी जाऊ असलेली हॉलिवूड अभिनेत्री गेल्या काही दिवसांपासून फोटोग्राफर्सवर जरा जास्तच रागावलेली आहे. सोफीने काही महिन्यापूर्वी एका गोंडस मुलीला जन्म दिला. ती मुलीला सोशल मीडियापासून दूर ठेवण्याचा प्रयत्न करतेय. परंतु, जेव्हाही सोफी आपल्या मुलीसोबत घराबाहेर पडते तेव्हा फोटोग्राफर्स तिच्या मुलीचा फोटो घेण्यासाठी त्यांच्या मागे लागतात. सोफीला आपल्या मुलीचा फोटो सोशल मीडियावर पाहायला आवडत नसल्याने ती नेहमी या गोष्टीला विरोध करत असते. परंतु, हे फोटोग्राफर्स आहेत जे सोफीचा पिच्छा सोडायला तयार नाहीयेत. सोफी आणि तिचा पती जो जोनस मुलीला सोशल मीडियापासून दूर ठेवण्याचा आटोकाट प्रयत्न करतायत. त्यामुळे त्यांनी आपल्या मुलीचा एकही फोटो सोशल मीडियावर पोस्ट केला नाहीये. परंतु, नुकत्याच आलेल्या एका अनुभवाने निराश होऊन सोफीने अखेरीस एक व्हिडीओ पोस्ट करत सर्व फोटोग्राफर्सना तिच्या मुलीला प्रायव्हसी देण्याची मागणी केली. सोफीने म्हटलं, 'मला वाटतं की काल काही फोटोग्राफर्स माझ्या मुलीचा फोटो घेण्यात यशस्वी झाले. मी फक्त माझ्या मुलीचे फोटो सोशल मीडियापासून दूर ठेवू इच्छिते आणि प्रत्येक वेळेस या गोष्टीकडे लक्ष देते की माझी मुलगी फोटोग्राफर्सपासून दूर राहील. त्याचं कारणच हे आहे की मला माझ्या मुलीचे फोटो सोशल मीडियावर पाहायचे नाहीत.' पुढे सोफी म्हणाली, 'ती माझी मुलगी आहे. तिने हे जीवन नव्हतं मागितलं. ना तिने फोटो काढायची इच्छा व्यक्त केली. हे खूप घाणेरडं आहे. एक वयस्कर व्यक्ती एका मुलीचा फोटो काढण्यासाठी धावतोय तो देखील तिच्या परवानगीशिवाय. मी तुम्हाला नम्रतेने विनंती करते की, आमचा पाठलाग करणं सोडून द्या. विशेषतः माझ्या मुलीचे फोटो काढणं आणि प्रिंट करणं बंद करा. तुम्हाला यासाठी माझी परवानगी नाहीये.' सोफीने २०१९ साली जो सोबत लग्नगाठ बांधली होती. त्यानंतर तिने २०२० साली एका गोंडस मुलीला जन्म दिला. सोफीने तिच्या बेबी बम्प सोबत अनेक फोटो सोशल मीडियावर शेअर केले होते परंतु, आता मात्र ती तिच्या मुलीला सोशल मीडियापासून दूर ठेवू इच्छिते.
from Marathi Bollywood News, Marathi Cinema News https://ift.tt/33HqopM
