मुंबई- छोट्यापडद्यावरील अत्यंत गाजलेले कार्यक्रम ' ' आणि '' यांमध्ये झळकणारी अभिनेत्री सुमोना चक्रवर्तीने नुकताच एक खुलासा केला होता. लॉकडाउनमुळे इतरांप्रमाणे सुमोनाकडेही काम नसल्याचं तिने म्हटलं होतं. त्यामुळे सुमोनाला अनेक आर्थिक अडचणींचा सामना करावा लागत असल्याचं तिने सांगितलं. परंतु, 'द शो' मध्ये मंजू, सरला आणि भुरी यांची पात्र साकारताना प्रेक्षक खरोखरच सुमोनाला कपिल शर्माची खऱ्या आयुष्यातील पत्नी समजू लागले होते. एका मुलाखतीत सुमोनाने याबद्दलचा खुलासा केला होता. सुमोनाने आपल्या अभिनयाने प्रेक्षकांना पोट धरून हसवलं. सुमोनाने छोट्या पडद्यावर अनेकदा कपिलच्या पत्नीची भूमिका साकारली आहे त्यामुळे अनेक चाहते तर आजही सुमोनाला कपिलची पत्नी समजतात. कपिलने भलेही गिन्नी चथरथसोबत लग्न केलं परंतु, अनेक प्रेक्षकांसाठी सुमोनाच कपिलची पत्नी आहे. एका मुलाखतीत सुमोनाने म्हटलं होतं, 'कदाचित २०१४ पासून मी कपिलसोबत आहे. त्यामुळेच कदाचित लोकांना वाटतं की माझं त्याच्यासोबत लग्न झालं आहे. एवढंच नाही तर कपिलच्या लग्नातदेखील लोक मला शुभेच्छा देत होते.' हा मजेशीर किस्सा सांगताना अभिनेत्री म्हणाली, 'एकाने तर लग्नाच्या हॉलच्या बाथरूममध्ये मला शुभेच्छा दिल्या होत्या. मी त्यांना विचारलं की तुम्ही लग्नाची पत्रिका नाही पाहिली का आणि माझ्याच लग्नात मी तुमच्यासोबत इथे बाथरूममध्ये असते का? त्यांनी खरंच मला 'शादी मुबारक सुमोना' असं म्हटलं.' त्यानंतर सुमोनाला विचारण्यात आलं की तुम्ही देखील लग्न करणार होतात असं ऐकण्यात आलं होतं. त्यावर उत्तर देत सुमोनाने म्हटलं, 'हो, गेल्या तीन वर्षांपासून मी लग्न करतेय. गेल्या तीन वर्षांपासून ही अफवा आहे की मी लग्न करतेय. पण लग्न करू तर कोणासोबत करू? स्वतः सोबत? तशी ही कल्पनादेखील चांगली आहे.'
from Marathi Bollywood News, Marathi Cinema News https://ift.tt/3hvAzFN
