मुंबई: सध्या देशात करोना व्हायरसमुळे अत्यंत बिकट परिस्थिती ओढवली आहे. असं असताना सरकारनं नागरिकांना अत्यावश्यक कामाव्यतिरिक्त घराबाहेर पडण्यास सक्त मनाई केली आहे. अशात आता मुंबई पोलिसांची एक पोस्ट सोशल मीडियावर खूप व्हायरल होताना दिसत आहे. मुंबई पोलिसांनी कोविड १९ च्या जागरुकतेसाठी 'फ्रेंड्स: द रीयूनियन' चा आधार घेत एक मजेदार पोस्ट केली आहे. मुंबई पोलिसांनी फ्रेंड्स टीझरचा एक स्क्रिनशॉट शेअर करत ही पोस्ट केली आहे. त्यांची ही पोस्ट सोशल मीडियावर चर्चेत आहे. मुंबई पोलिसांनी इन्स्टाग्रामवर करोना जनजागृतीसंदर्भात एक पोस्ट केली आहे. ज्यात त्यांनी लोकप्रिय शो फ्रेंड्स टीझरचा एक स्क्रिनशॉट शेअर केला आहे. ज्यात शोमधील मुख्य कलाकार कॅमेऱ्याकडे पाठमोरे राहून चालताना दिसत आहेत. ही पोस्ट करताना मुंबई पोलिसांनी त्याच्या कॅप्शनमध्ये लिहिलं, 'F.R.I.E.N.D.S सोबत पुन्हा भेट पण करोनाच्या शेवटच्या सीझननंतर तोपर्यंत तुम्ही फक्त ऑनलाइन मीट-अप करू शकता.' सोशल मीडियावर एका युझरनं यावर कमेंट करताना लिहिलं, 'हे खूपच हटके आहे.' तर आणखी एका युझरनं कमेंटमध्ये लिहिलं, 'मुंबई पोलिसांचा हा अंदाज खूपच मजेदार आहे.' मुंबई पोलिसांच्या या पोस्टला तुफान प्रतिसाद मिळत असून अनेक युझर त्यावर प्रतिक्रिया देताना दिसत आहेत. 'फ्रेंड्स: द रीयूनियन' हा शो येत्या २७ मे ला एचबीओ मॅक्सवर प्रसारित होणार आहे. हा शो सर्वात जुना अमेरिकन शो असून त्याला आतापर्यंत बरीच लोकप्रियता मिळाली आहे. या शोचा पहिला प्रिमियर १९९४ मध्ये झाला होता आणि शो जवळपास १० वर्ष सुरू होता. काही दिवसांपूर्वीच या शोचा टीझर नव्या अवतारात रिलीज करण्यात आला. यात जेनिफर एनिस्टन, कर्टेनी कॉक्स, लिसा कुड्रो, मॅट लेब्लांक, मॅथ्यू पेरी आणि डेविड शिमर यांच्या मुख्य भूमिका आहेत.
from Marathi Bollywood News, Marathi Cinema News https://ift.tt/3bvDASW
