मुंबई- '' ची देवसेना बनून लाखो प्रेक्षकांच्या मनावर राज्य करणारी दाक्षिणात्य अभिनेत्री सध्या सोशल मीडियावर प्रचंड चर्चेत आहे. फक्त टॉलिवूडचं नाही तर बॉलिवूडमध्येही अनुष्काचे असंख्य चाहते आहेत. अनुष्काने तिच्या अभिनयाने आणि सौंदयाने चाहत्यांना भुरळ पाडली आहे. अनुष्का दमदार अभिनयासोबतच तिच्या बोल्ड अदांसाठीही ओळखली जाते. परंतु, सध्या सोशल मीडियावर वायरल होणाऱ्या फोटोमुळे चाहत्यांना त्यांच्या डोळ्यावर विश्वास ठेवणं कठीण झालं आहे. अनुष्का अभिनयाइतकीच तिच्या फिटनेसकडे लक्ष देते. एखाद्या चित्रपटासाठी वजन वाढवणं किंवा कमी करणं हे अभिनेत्रींच्या कामाचा एक भाग असतो. परंतु, अनुष्काचा सोशल मीडियावर व्हायरल होणारा फोटो कोणत्याही चित्रपटामधला नाहीये. या फोटोत अनुष्काचं वजन प्रचंड वाढलेलं दिसत आहे. हा फोटो पाहून अनेक चाहते आश्चर्य चकित झाले आहेत. लॉकडाउनमुळे अनुष्काचं वजन वाढलं असल्याचं म्हटलं जात आहे. फोटोत अनुष्का जाड दिसत आहे. सौंदर्याची व्याख्या शरीराच्या मोजमापावरून करणं चुकीचं असलं तरीही काही युझर्स फोटोमुळे अनुष्काची थट्टा करत आहेत. काही युझर्स म्हणत आहेत की, लॉकडाउनमुळे चित्रपटांचं चित्रीकरण बंद झाल्याने अभिनेत्रीचं वजन वाढलं आहे. तर अनुष्काच्या काही चाहत्यांनी या फोटोचं सत्य सगळ्यांसमोर आणण्याचं काम केलं आहे. त्याच्यामते हा फोटो लॉकडाउनमधील नसून मागील वर्षीच्या डिसेंबर महिन्यातील आहे जेव्हा अनुष्का हरिद्वारला गेली होती. अनुष्का खूप धार्मिक आहे. ती नेहमीच देशातील आणि देशाबाहेरील मंदिरांमध्ये दर्शनासाठी जात असते. मागील वर्षीदेखील अनुष्का आपल्या काही मित्र- मैत्रिणींसोबत हरिद्वारला गेली होती. तेव्हाचा फोटो आता व्हायरल होत आहे आणि युझर्स या फोटोला २०२१ मधला समजून अनुष्काची थट्टा करत आहेत.
from Marathi Bollywood News, Marathi Cinema News https://ift.tt/2RVJlCz
