मुंबई : देशामध्ये करोनाची लाट प्रचंड वेगाने पसरली आहे. या दुसऱ्या लाटेमध्ये मनोरंजन विश्वातील अनेक कलाकारांना करोनाची लागण झाली आहे. ससुराल सिमर का २ या मालिकेतील अभिनेता याला करोनाची लागण झाली असून तो कोकिलाबेन हॉस्पिटलमध्ये अॅडमिट झाला आहे. खुद्द अभिनेत्यानेच ही माहिती सोशल मीडियावरून दिली आहे. राजीव पॉलने त्याच्या सोशल मीडियावर एक पोस्ट शेअर केली आहे. त्यामध्ये त्याने लिहिले की,' माझा रिपोर्ट पॉझिटिव्ह आला असून उपचारासाठी इस्पितळात दाखल होत आहे. परिस्थिती हाताबाहेर जाण्याआधी ती योग्य हातांमध्ये जाणं कधीही चांगलं. माझा ताप कमी होत नसल्याने इस्पितळात दाखल झालो. इथे उत्तम डॉक्टर आणि औषधोपचार सुरू करण्यात आले आहेत.' सतीश कौशिक यांचे मानले आभार राजीवने त्याच्या काही मित्र मैत्रिणींचे आभार मानले आहेत. त्यामध्ये राकेश पॉल, राखी कुकी आणि अभिनेता सतीश कौशीक यांचा समावेश आहे. या तिघांनीही मला हॉस्पिटलमध्ये जाण्याचा सल्ला दिला. त्याने लिहिले, ' आयुष्यात योग्य मित्र असल्यावर योग्य वेळी योग्य निर्णय घेता येतो. तुमच्या सगळ्यांच्या आशीर्वादासाठी आभार. जे या संकटाचा सामना करत आहेत त्या सर्वांसाठी, त्यांच्या उत्तम आरोग्यासाठी प्रार्थना करा,' असे आवाहन त्याने केले आहे. दरम्यान, राजीवच्या या पोस्टनंतर अनेक कलाकारांनी त्याच्या उत्तम आरोग्यासाठी प्रार्थना केली आहे. अनूप सोनी, सिंपल कौल, निशा रावल, करण शर्मा या कलाकारांनी राजीवच्या पोस्टवर प्रतिक्रिया देत त्याला धीर दिला.
from Marathi Bollywood News, Marathi Cinema News https://ift.tt/33EdUiz
