मुंबई: प्रसिद्ध दाक्षिणात्य आणि बॉलिवूड अभिनेता आणि सारिका यांनी १९८८ मध्ये लग्न केलं होतं. पण लग्नाच्या १६ वर्षांनंतर या दोघांनी वेगळं होण्याचा निर्णय घेतला. २००४ साली या दोघांचा घटस्फोटही झाला. या दोघांना आणि अक्षरा हसन अशा दोन मुलीसुद्धा आहे. कमल हसन आणि सारिका वेगळे झाले असले तरी दोन्ही मुलींना आई-वडिलांचं प्रेम मात्र मिळतं. नुकतंच श्रुती हसननं आपल्या आई-वडिलांच्या घटस्फोटावर भाष्य केलं. यावेळी तिनं त्या दोघांच्या घटस्फोटावर आनंद व्यक्त केला. तिचं म्हणणं आहे की, 'जर ते दोघं एकत्र आनंदी राहू शकत नव्हते तर चांगलंच झालं जे की ते वेगळे झाले.' एका हिंदी वेबसाइटला दिलेल्या मुलाखतीत श्रुती हसन म्हणाली, 'मी त्यांच्या नव्या आयुष्यासाठी खूप उत्साहित होते. मला आनंदच आहे की, ते दोघं वेगळे झाले. कारण मला वाटतं जर दोन व्यक्ती एकत्र राहू शकत नाहीत. तर मग कोणतंच कारण त्यांना एकत्र ठेवू शकत नाही. पण ते खूप चांगले आई-वडील आहेत. खासकरून माझ्या बाबांशी माझं खास बॉन्डिंग आहे. माझी आई माझ्या आयुष्यांचा महत्त्वाचा भाग आहे. हे आमच्या सर्वांसाठी योग्य होतं. ते दोघंही खूप चांगले व्यक्ती आहेत. पण एकत्र ते दोघं खूश राहू शकत नाही. ते दोघं एकत्र राहिले तर त्यांचा चांगुलपणा संपून जाईल. ते दोघं वेगळे झाले तेव्हा मी खूप लहान होते. हे खूप सोपं होतं आणि आम्ही सगळेच आनंदी होते.' काही दिवसांपूर्वीच दिलेल्या एका मुलाखतीत श्रुतीनं तिच्या आर्थिक अडचणींचा खुलासा केला होता. ती म्हणाली होती, 'आपण सर्वजण वेगवेगळी कामं करून पैसा कमवतो. पण सर्वांनाच त्यांची बिलं भरावी लागतात. त्यामुळे मला कामावर परतावं लागेल. माझ्यावर अर्थातच काही बंधन आहेत. माझ्याकडे माझ्या मदतीसाठी आई-बाबा नाहीत. मी ११ वर्षांपूर्वी वडिलांचं घर सोडून स्वतःचं आयुष्य स्वतः उभं करण्याचा निर्णय घेतला होता. ज्यावर मी आजही आनंदी आहे.' श्रुतीनं २००९ मध्ये 'लक' या चित्रपटातून बॉलिवूड पदार्पण केलं होतं. त्यानंतर तिनं 'डी-डे','रमय्या वस्तावय्या', 'गब्बर इज बॅक', 'वेलकम बॅक' या चित्रपटांमध्ये काम केलं. तिच्या कामाबद्दल बोलायचं तर ती लॉकडाउनच्या अगोदर वेब सीरिज आणि तिचा आगामी चित्रपट 'सालार'ची तयारी करत होती. या चित्रपटात सुपरस्टार प्रभाससोबत श्रुती मुख्य भूमिकेत दिसणार आहे.
from Marathi Bollywood News, Marathi Cinema News https://ift.tt/34eXYUd
