मुंबई : '' हा कार्यक्रम सातत्याने कोणत्या ना कोणत्या वादामध्ये अडकलेला आहे. कधी स्पर्धकांमुळे, तर कधी या कार्यक्रमातील परिक्षकांमुळे तर कधी टीआरपीसाठी केल्या जाणाऱ्या ड्रामेबाजीमुळे कार्यक्रम वादाच्या भोवऱ्यात अडकलेला आहे. आता या कार्यक्रमाचा सूत्रसंचालक आदित्य नारायणने नुकताच प्रसारित झालेल्या भागामध्ये अलिबागवरून वादग्रस्त वक्तव्य केल्याने त्याच्यावर टीका सुरू झाली. यामध्ये महाराष्ट्र नवनिर्माण सेनेच्या चित्रपट सेनेने उडी घेतल्याने या वादाला गंभीर वळण लागले होते. एकूण या प्रकरणाचे गांभीर्य लक्षात घेऊन याने सोशल मीडियावरून माफीनामा प्रसिद्ध केला आहे. काय म्हणाला आदित्य आदित्यने फेसबुकवर एक पोस्ट शेअर केली. यात त्याने लिहिले की, ' इंडियन आयडलमध्ये अलिबाग संदर्भात आणि तेथील लोकांसंदर्भात जे वक्तव्य केले होते त्याप्रकरणी मी सर्वांची हात जोडून माफी मागतो. खरे तर असे वक्तव्य करून मला कुणालाही दुखावण्याचा हेतू नव्हता. अलिबागबद्दल मला प्रचंड प्रेम आणि आदर आहे. त्या जागेशी, तिथल्या लोकांशी आणि तिथल्या मातीशी माझ्याही काही भावना जोडल्या गेल्या आहेत,' असे म्हणत आदित्यने त्याने केलेल्या वक्तव्याबद्दल माफी मागितली. काय घडले होते 'इंडियन आयडल १२' कार्यक्रमाच्या अलिकडेच प्रसारित झालेल्या भागात आदित्यने अलिबागवरून वादग्रस्त वक्तव्य केले होते. या कार्यक्रमातील एका स्पर्धकाचे गाणे संपल्यावर आदित्य त्याला म्हणाला, 'रागदारीचा नीट अभ्यास करून येत जा... आम्ही काय अलिबागवरून येथे आलो आहोत का?' असे सुनावले. आदित्यने जाहीरपणे कार्यक्रमात असे वक्तव्य केल्यामुळे एका नवीन वादाला तोंड फुटले आहे. अलिबागबद्दल अशा पद्धतीने जाहीरपणे, चॅनेलवरील कार्यक्रमात असा उल्लेख करण्यात आल्याने प्रेक्षकांना ही गोष्ट खूपच खटकली. आदित्य नारायणने केलेल्या या वक्तव्यानंतर मनसेच्या चित्रपट सेनेचे अध्यक्ष अमेय खोपकर यांनी फेसबुक लाइव्हद्वारे तीव्र संताप व्यक्त केला होता. अमेय खोपकर यांनी यावेळी अलिबागबद्दल असे काही ऐकून घेतले जाणार नाही. असे जर कुणी अवमानकारक वक्तव्य केले तर त्यांना योग्य ती समज दिली जाईल असे सांगत आदित्यने जाहीर माफी मागावी अशी मागणी केली होती. माफी मागितली नाही तर त्याच्या कानाखाली आवाज काढण्याचा इशारा ही खोपकर यांनी दिला होता.
from Marathi Bollywood News, Marathi Cinema News https://ift.tt/3fjZQBG
