मुंबई : 'बिग बॉस १४' कार्यक्रमामुळे प्रसिद्ध झालेली 'खतरों के खिलाडी' कार्यक्रमाच्या ११ व्या सिझनमध्ये सहभागी झाली आहे. या कार्यक्रमाचे चित्रीकरण दक्षिण आफ्रिकेत लवकरच सुरू होणार आहे. त्यात सहभागी होण्यासाठी सर्व स्पर्धक केपटाऊनला गेले आहेत. या कार्यक्रमात सहभागी झालेले स्पर्धक सोशल मीडियावर तिथले फोटो सातत्याने शेअर करत आहेत. निकीनेही तिचे स्वीमसुटमधील काही फोटो इन्स्टाग्रामवर शेअर केले होते. त्यानंतर युझर्सने तिला खूप ट्रोल केले आहे. निक्कीने मंगळवारी तिच्या इन्स्टाग्रामवर अकाउंटवर दोन फोटो शेअर केले. त्या फोटोंमध्ये निक्कीने निळ्या रंगाचा स्विमसूट घातला आहे. सोशल मीडियावर युझर्सने फोटोंवर टीका करत तिला ट्रोल केले आहे. निकी तांबोळीच्या या पोस्टवर एका युझर्सने लिहिले की, 'भावाचे निधन होऊन चार दिवसही झाले नाहीत. जरा तरी लाज बाळग...' तर दुस-या युझर्सने लिहिले, 'भाऊ मेला तरी बहिणीला काहीच फरक पडत नाही.' आणखी एका युझर्सने लिहिले, 'अगं आताच तुझ्या भावाचे निधन झाले आहे आणि तू हे असं वागते आहेस' तर अन्य एका युझर्सने लिहिले आहे की, 'खरोखरच तुझ्या भावाचे निधन झाले आहे ना?' तर आणखी एकाने लिहिले की 'अगं थोडी तरी लाज बाळग...' निक्की तांबोळीच्या भावाचे गेल्याच आठड्यात करोनामुळे निधन झाले आहे. निक्कीच्या भावाला करोना झाल्यानंतर एका हॉस्पिटलमध्ये दाखल केले होते. तिथे त्याच्यावर उपचार सुरू होते. परंतु उपचारांना कोणताही प्रतिसाद तो देत नव्हता. हळूहळू त्याची तब्येत खालावत गेली आणि अखेर त्याचे निधन झाले.
from Marathi Bollywood News, Marathi Cinema News https://ift.tt/3hksd3L
