मुंबई: बॉलिवूडची प्रसिद्ध गायिका नेहमीच काही ना काही कारणानं चर्चेचा विषय ठरते. कधी गाण्यांमुळे, कधी व्हायरल व्हिडीओमुळे तर कधी नवऱ्यासोबत शेअर केलेल्या फोटोंमुळे नेहा सोशल मीडियावर चर्चेत असतेच. तिचा कोणताही अंदाज चाहत्यांना वेड लावतो. तिच्या फोटोंवरही चाहते जोरदार कमेंट करताना दिसतात. नेहा कक्कर आणि तिचा नवरा रोहनप्रीत सिंह यांचा एक व्हिडीओ सध्या सोशल मीडियावर व्हायरल होताना दिसत आहे. ज्यात ते दोघंही एकमेकांशी भांडताना दिसत आहेत. नेहा कक्कर सोशल मीडियावर बरीच सक्रिय असते. नुकताच तिनं तिच्या इन्स्टाग्रामवर एक व्हिडीओ शेअर केला आहे. जो पाहिल्यानंतर चाहत्यांना हसावं की रडावं हेच समजत नाहीये. नेहा आणि रोहनप्रीतचा हा व्हिडीओ सोशल मीडियावर खूप व्हायरल झाला आहे. या व्हिडीओमध्ये दोघांचं जोरदार भांडण सुरू असलेलं पाहायला मिळत आहे. एवढंच नाही तर दोघंही एकमेकांना मारताना आणि केस ओढताना दिसत आहेत. इन्स्टाग्रामवरील या व्हिडीओमध्ये नेहा नवऱ्याशी भांडताना दिसत आहे. ती त्याची कॉलर पकडते आणि त्याला मारताना दिसत आहे. तर रोहन नेहाचे केस ओढताना दिसत आहे. या व्हिडीओच्या बॅकग्राऊंडला 'तेरी मेरी दोस्ती' हे गाणं वाजताना दिसत आहे. आतापर्यंत लाखो लोकांनी नेहा-रोहनप्रीतचा हा व्हिडीओ पाहिला आहे. अनेकांनी कमेंट करत 'लग्नानंतर नवऱ्याची अवस्था' असं म्हटलं आहे. काहींनी ते दोघंही क्यूट दिसत असल्याचंही म्हटलं आहे. दरम्यान नेहा आणि रोहनप्रीतचं खरंखुरं भांडण झालेलं नाही तर हा व्हिडीओ त्यांच्या आगामी म्यूझिक अल्बमच्या प्रमोशनचा एका भाग आहे. 'खढ़ तैनू मैं दस्सा' असं या म्यूझिक अल्बमचं नाव असून काही दिवसांपूर्वीच नेहानं याची माहिती सोशल मीडियावर काही फोटो शेअर करून दिली होती.
from Marathi Bollywood News, Marathi Cinema News https://ift.tt/3y54o69
