मुंबई : छोट्या पडद्यावरील अतिशय लोकप्रिय आणि मनोरंजक कार्यक्रम 'कौन बनेगा करोडपती'चे १३ वे पर्व लवकरच सुरू होत आहे. करोना संकटच्या पार्श्वभूमीवर या कार्यक्रमामध्ये स्पर्धकांचे रजिस्ट्रेशन आणि निवड ही डिजिटल पद्धतीने केली जात आहे. या कार्यक्रमासाठी रजिस्ट्रेशनला सुरुवात झाली आहे. या कार्यक्रमाचे सूत्रधार यांनी बुधवारी, १२ मे रोजी रजिस्ट्रेशनसाठी तिसरा प्रश्न विचारला सोनी टीव्हीवरून अमिताभ बच्चन यांनी एका व्हिडीओच्या माध्यमातून रजिस्ट्रेशनसाठीचा तिसरा प्रश्न विचारला. बिग बी म्हणाले की, 'आपली स्वप्ने पूर्ण करण्यासाठी एक ठोस पाठिंब्याची गरज असते. तुम्हाला हा पाठिंबा देण्यासाठी केबीसीचा हा प्लॅटफॉर्म आहे. तर इथे या आणि तुमची स्वप्ने पूर्ण करण्याच्या दिशेने एक पाऊल पुढे टाका.... आजच्या प्रश्नाचे उत्तर देत तुम्ही ते नक्कीच करू शकता...' असे म्हणत त्यांनी रजिस्ट्रेशनसाठी तिसरा प्रश्न विचारला. हा प्रश्न होता... प्रश्न- राम आणि कृष्ण या कोणत्या झाडाच्या दोन प्रजाती आहेत? पर्याय होते- बेल, सूरजमुखी, तुळस आणि मेंदी या प्रश्नाचे अचूक उत्तर आहे तुळस. या प्रश्नाचे उत्तर प्रेक्षकांना सोनी लिव अॅप अथवा त्यांच्या वेबसाइटवर जाऊन द्यायचे आहे. त्यासोबत तुमचे वय, संपर्कासाठी मोबाइल क्रमांक आणि पत्ताही नोंदवायचा आहे. तसेच एसएमएस करूनही या प्रश्नाचे उत्तर देता येणार आहे. त्यासाठी फोनवर KBC असे लिहून योग्य पर्याय लिहून हे उत्तर ५०९०९३ या क्रमांकावर पाठवायचे आहे. कौन बनेगा करोडपती हा कार्यक्रम जनसामान्यांमध्ये खूपच लोकप्रिय आहे. दरवर्षी हा कार्यक्रम कधी सुरू होतो याची उत्सुकता प्रेक्षकांना असते. कारण या कार्यक्रमात सहभागी होऊन नशीब बदलण्याची संधी त्यांना मिळणार असते. गेल्यावर्षी करोना संकटकाळतही हा कार्यक्रम प्रसारित करण्यात आला होता. त्यासाठी आवश्यक ती सर्व खबरदारी घेण्यात आली होती.
from Marathi Bollywood News, Marathi Cinema News https://ift.tt/3bnIaT9
