मुंबई- बॉलिवूड अभिनेता सुशांतसिंह राजपूतच्या निधनाला आता एक वर्ष पूर्ण होत आलं आहे. दरम्यान त्याच्या मृत्यूचे प्रकरण पुन्हा एकदा चर्चेत आले आहे. सुशांत प्रकरणात नारकोटिक्स कंट्रोल ब्यूरोने () २८ मे रोजी दिवंगत अभिनेत्याचा फ्लॅटमॅट याला हैदराबाद येथून अटक केली होती. तर रविवारी सुशांतच्या घरी काम करणारे केशव आणि नीरज यांचीही एनसीबीच्या अधिकाऱ्यांनी चौकशी केली. रविवारी रात्री उशिरापर्यंत चालली चौकशी इंग्रजी वृत्तपत्राने प्रसिद्ध केलेल्या माहितीनुसार, रविवारी नीरज आणि केशव यांना एनसीबी कार्यालयात चौकशीसाठी बोलावले होते. यापूर्वी दोघांनाही चौकशीसाठी समन्स बजावण्यात आले होते. सूत्रांनी दिलेल्या माहितीनुसार एनसीबी अधिकाऱ्यांनी रविवारी रात्री उशिरापर्यंत दोघांची चौकशी केली. तथापि, जेव्हा अधिकाऱ्यांना ड्रग्ज प्रकरणात नीरज आणि केशव यांचा काय संबंध आहे असा प्रश्न विचारला असता अधिकाऱ्यांनी अद्याप चौकशी सुरू आहे असं उत्तर दिलं. १ जूनपर्यंत एनसीबी रिमांडवर सिद्धार्थ पिठाणी शुक्रवारी एनसीबीने हैदराबादहून सुशांतचा फ्लॅटमेट सिद्धार्थ पिठानी याला अटक केली. पिठानीने सुशांतला अमली पदार्थ पुरवल्याचा आरोप आहे. पिठानीला शुक्रवारी न्यायालयासमोर हजर केले, तिथून त्याला १ जूनपर्यंत एनसीबी रिमांडवर पाठविण्यात आले. सिद्धार्थ, केशव आणि नीरज १४ जूनला घरी होते सिद्धार्थ पिठानी, केशव आणि नीरज हे तिघेही १४ जून २०२० रोजी सुशांतच्या घरी होते. याचदिवशी अभिनेत्याने राहत्या घरी बेडरूममध्ये पंख्याला लटकलेल्या अवस्थेत आढळला होता. खोलीची चावी मिळत नसल्यामुळे सिद्धार्थने चावी बनवणाऱ्यालाच फक्त संपर्क केला नाही तर त्याने पंख्यावरून मृतदेह खाली उतरवून पलंगावर ठेवला होता. सुशांतची बहीण मितू सिंगलाही सिद्धार्थनेच पहिला फोन केला होता. एनसीबीने ३३ लोकांना केलं आहे आरोपी मृत्यूप्रकरणाची सीबीआय चौकशी करीत आहे. म्हणूनच सिद्धार्थ पिठाणीपासून ते केशव आणि नीरज यांच्यासह अनेकांची वर्षभर अनेकदा चौकशी केली जात आहे. मृत्यूआधी सुशांतशी बोलणाऱ्यांमध्ये सिद्धार्थ एक व्यक्ती होता. सुशांत प्रकरणात अमली पदार्थांचा मागोवा घेणार्‍या एनसीबीने आपल्या आरोपपत्रात सुशांतची प्रेयसी रिया चक्रवर्ती आणि तिचा भाऊ शौविक चक्रवर्ती यांच्यासह एकून ३३ जणांची नावे जाहीर केली आहेत. आतापर्यंत ३५ जणांना अटक करण्यात आली सुशांतसिंह राजपूत याच्या मृत्यूशी संबंधित ड्रग्ज प्रकरणात अमली पदार्थांसह ३५ जणांना आतापर्यंत नारकोटिक्स कंट्रोल ब्युरोने अटक केली आहे. यामध्ये रिया चक्रवर्ती, शौविक चक्रवर्ती आणि आता सिद्धार्थ पिठानी याच्या अटकेचा समावेश आहे. दरम्यान, रिया चक्रवर्ती आणि शौविक चक्रवर्ती दोघेही जामिनावर बाहेर आहेत.
from Marathi Bollywood News, Marathi Cinema News https://ift.tt/3fYevBj
