नवी दिल्ली. ड्रायव्हिंग लायसन्स, मतदार ओळखपत्र किंवा शैक्षणिक कागदपत्रे सुरक्षित ठेवण्यासाठी आपण सगळेच खबरदारी घेतो. पण, तरीही कधी-कधी ते चुकून हरवतातच. सर्वात महत्वाची बाब म्हणजे नेहमीच काही कागदपत्रे सोबत ठेवावी लागतात . कारण या कागदपत्रांची बर्‍याच वेळा आवश्यकता असते. परंतु, नेहमी कागदपत्रे ठेवणे देखील शक्य नसते. कारण, ते गमावण्याची भीती सुद्धा कायम असते. अशात, एक मार्ग आहे ज्याद्वारे तुम्ही तुमच्या कागदपत्रांची भौतिक प्रत सोबत न ठेवता सॉफ्ट कॉपीच्या स्वरूपात ठेवू शकता. पाहा डिटेल्स. ही पद्धत आहे. यामध्ये तुम्ही तुमचे ड्रायव्हिंग लायसन्स आणि वाहन नोंदणी प्रमाणपत्र यासारखी अनेक कागदपत्रे सेव्ह करुन ती सुरक्षित ठेवू शकता. हे लॉकर आपल्या आधार कार्ड आणि फोन नंबरशी जोडलेले असून यात दस्तऐवजांच्या स्कॅन केलेल्या प्रती पीडीएफ, जेपीईजी किंवा पीएनजी स्वरूपात अपलोड करता येतात. तुम्ही या कागदपत्रांवर ई-स्वाक्षरी करण्यास देखील सक्षम असता. यात कागदपत्र सेव्ह करुन ठेवण्याचा फायदा म्हणजे कोणतेही कागदपत्र सोबत ठेवण्याची आवश्यकता भासत नाही. यामुळे ती हरवण्याची भीती देखील राहत नाही. जाणून घ्या डिजीलॉकर वापरण्याच्या काही सोप्पी ट्रिक्स. याप्रमाणे वापरा डिजीलॉकर : १. यासाठी आपल्याला डिजीलॉकरच्या वेबसाइटवर जावे लागेल किंवा आपल्या स्मार्टफोनवर डिजीलोकर अ‍ॅप डाउनलोड करावे लागेल. २. अ‍ॅप डाऊनलोड झाल्यानंतर तुम्हाला आधार कार्ड किंवा मोबाईल नंबरसह तुमचा यूजर आयडी बनवावा लागेल. यासाठी ओटीपी तुम्हालाही पाठविला जाईल. ३. अ‍ॅप उघडल्यानंतर तुम्हाला प्रारंभ करा, पर्याय दिसेल ज्यावर तुम्हाला टॅप करायचे आहे. ४. नंतर खाते तयार करा वर टॅप करा. यानंतर आपणास आपले नाव, जन्मतारीख, मोबाइल नंबर, सुरक्षा पिन, ईमेल आयडी आणि आधार क्रमांक प्रविष्ट करण्यास सांगितले जाईल. ५. हे सर्व केल्यावर आपल्या नोंदणीकृत मोबाइल क्रमांकावर एक ओटीपी येईल. अ‍ॅपमध्ये हा ओटीपी सबमिट करा. ६. त्यानंतर आपल्याला एक वापरकर्ता नाव तयार करण्यास सांगितले जाईल. येथे आपण इच्छित कोणतेही वापरकर्ता नाव तयार करू शकता. नंतर तळाशी असलेल्या ओके वर टॅप करा. आपले खाते तयार केले जाईल. ७. आता आपल्यासमोर डिजीलॉकर इंटरफेस उघडेल. नंतर आपण येथे सेव्ह करू इच्छित असलेल्या कोणत्याही दस्तऐवजावर क्लिक करा. उदाहरणार्थ: आधार कार्डवर टॅप केले. त्यानंतर आपल्याला पुन्हा एकदा आधार कार्डच्या चिन्हावर टॅप करावे लागेल. ८. त्यानंतर आपली परवानगी विचारत आपल्यासमोर एक पॉप-अप दिसेल. ९. ओके नंतर, तुम्हाला पुन्हा एकदा ओटीपी मिळेल, तो प्रविष्ट करा. नंतर सुरू ठेवा वर टॅप करा. १०. त्यानंतर तुम्हाला जारी केलेले दस्तऐवज ,आधार कार्ड सेव्ह झाले आहे हे दिसून येईल. ११. तशाच प्रकारे आपण आपले पॅनकार्ड, एलआयसी ड्रायव्हिंग लायसन्स, शाळेची प्रमाणपत्रे इ. सेव्ह करू शकाल. १२. आपण ही कागदपत्रे शेयर करण्यास देखील सक्षम असाल. हे पीडीएफ स्वरूपात प्रेषकाकडे जातील.
from Gadget News in Marathi: Computer, Mobile, Auto News in Marathi | Maharashtra Times https://ift.tt/3wXnEBL
