मुंबई- दाक्षिणात्य सुपरस्टार धनुषची लोकप्रियता सातासमुद्रापार आहे. टॉलिवूडप्रमाणे बॉलिवूडमध्येही त्याचे लाखो चाहते आहे. धनुषने आपल्या अप्रतिम अभिनयाने चाहत्यांना अक्षरशः भुरळ घातली आहे. दाक्षिणात्य चित्रपटसृष्टीत सगळ्यात जास्त मानधन घेणाऱ्या अभिनेत्यांमध्ये धनुषचा समावेश होतो. सोशल मीडियावरही सक्रिय असतो. आपल्या अभिनयासोबतच धनुष त्याच्या राहणीमानासाठीही चाहत्यांमध्ये लोकप्रिय आहे. सुपरस्टार यांचा जावई असलेला धनुष एखाद्या राजाप्रमाणे आपलं आयुष्य जगतो. आता धनुष चेन्नईमध्ये आणखी एक घर बांधणार आहे. महत्वाचं म्हणजे या घरासाठी थोडे थोडके नाही तर तब्बल १५० कोटी रुपयांचा खर्च येणार आहे. धनुष्य चेन्नईतील पोएस गार्डन परिसरात घर बांधत आहे. त्यासाठी त्याने तेथील १९००० स्वेअर फूट जमीन विकत घेतली आहे. नुकतंच या जागेचं भूमिपूजनही करण्यात आलं. या सोहळ्यासाठी खुद्द रजनीकांतही उपस्थित होते. या जागेत घर बांधण्यासाठी धनुष १५० कोटी रुपये खर्च करणार असून खर्चाचा आकडा वाढण्याचीही शक्यता आहे. धनुषचं हे घर चार मजली असणार आहे. घर अत्यंत हटके पद्धतीने बांधण्यात येणार असून घरात सगळ्या सुखसोयी असणार आहेत. स्विमिंग पूलपासून जिमपर्यंत प्रत्येक गोष्ट घरात असणार आहे. महत्वाचं म्हणजे धनुषचं घर रजनीकांत यांच्या घरापासून अगदी शेजारी असणार आहे. सध्या धनुष अमेरिकेत आपल्या आगामी वेबसीरिजचं चित्रीकरण करण्यात व्यस्त आहे. या वेबसीरिजचं नाव आहे 'द ग्रे मॅन'. धनुषचे मागील अनेक चित्रपट बॉक्स ऑफिसवर हिट ठरले आहेत. वेबसीरिजसोबतच धनुष आनंद एल राय यांच्या 'अतरंगी रे' चित्रपटातही झळकणार आहे. या चित्रपटात धनुषसोबत अक्षय कुमार आणि सारा अली खानही असणार आहे. धनुषने २००४ साली रजनीकांत यांच्या मुलीसोबत लग्न केलं होतं. त्यांच्या लग्नाला अनेक बड्या व्यक्तींनी हजेरी लावली होती. सुरक्षा व्यवस्थादेखील खूप कडक होती. निमंत्रण पत्रिका दाखवल्याशिवाय कुणालाही आत प्रवेश दिला जात नव्हता.
from Marathi Bollywood News, Marathi Cinema News https://ift.tt/3jjunBG
