मुंबई- बॉलिवूड अभिनेत्री हिला रामायणावर आधारित एका चित्रपटात सीतेची भूमिका साकारण्याची संधी मिळाली होती. परंतु, या भूमिकेसाठी करिनाने तब्बल तिच्या मानधनाच्या दुप्पट म्हणजे १२ कोटी रुपयांची मागणी केली. त्यामुळे चाहते तिच्यावर प्रचंड नाराज झाले आहेत. ट्विटरवर करिनाला बॉयकॉट करण्याची मागणी करण्यात येत आहे. करिनाला सीतेची भूमिका दिल्यास चित्रपटावर बहिष्कार टाकण्याची ताकीद युझर्सनी दिली आहे. या चित्रपटासाठी नेटकऱ्यांतर्फे करिनाऐवजी इतर काही अभिनेत्रींची नावं सुचवण्यात येत आहेत. बॉलिवूड अभिनेत्री कंगना रणौत हिने तिच्या अभिनयाच्या जोरावर बॉलिवूडमध्ये वेगळं स्थान निर्माण केलं आहे. लवकरच 'थलाइवी' बनून प्रेक्षकांच्या भेटीला येणाऱ्या कंगनाचं नाव नेटकऱ्यांनी सीतेच्या भूमिकेसाठी सुचवलं आहे. नुकतीच बोहल्यावर चढलेली अभिनेत्री यामी गौतम सध्या सोशल मीडियावर चर्चेत आहे. यामीच्या नववधूच्या वेशातील फोटोंनी जणू चाहत्यांना भुरळ घातली आहे. सीतेच्या भूमिकेसाठी कंगनाप्रमाणे यामीच्या नावाचीही जोरदार चर्चा आहे. 'बाहुबली' चित्रपटातून देवसेना बनून प्रेक्षकांच्या मनावर राज्य करणारी अभिनेत्री अनुष्का शेट्टी देखील सीतेच्या भूमिकेसाठी चर्चेत आहे. अनुष्काच्या सोज्वळ हास्यामुळे ती नेटकऱ्यांची सीतेच्या पात्रासाठीची निवड ठरली आहे. कीर्ती सुरेश दाक्षिणात्य चित्रपटात आपल्या अभिनयाचा झेंडा रोवणारी आणि आपल्या सौंदर्याने चाहत्यांना घायाळ करणारी अभिनेत्री कीर्ती सुरेश हिला देखील नेटकऱ्यांनी सीतेच्या पात्रासाठी पसंती दिली आहे. दीपिका चिखलीया छोट्या पडद्यावरील 'रामायण' मालिकेतील सीतेची भूमिका साकारणाऱ्या अभिनेत्री दीपिका चिखलीया याच सीतेची भूमिका समर्थपणे पेलू शकतात असं नेटकऱ्यांचं म्हणणं आहे. त्यामुळे त्यांच्या नावालाही नेटकऱ्यांकडून दुजोरा देण्यात येत आहे.
from Marathi Bollywood News, Marathi Cinema News https://ift.tt/3pLWhYu