नवी दिल्ली. पावसाळा सुरु झाला असून सर्वत्र सध्या हिरवळ आहे, पावसाळ्यातील ही हिरवळ पाहून मनाला प्रसन्नता वाटते. अनेकदा कामामुळे आलेली मरगळ बाग- बगिच्यामध्ये एक फेर-फटका मारून आल्यास लगेच दुर होते. पण, रोज बाहेर जात येईलच असे नाही. त्यात करोना आणि लॉकडाऊनमुळे तर कित्येक दिवसांपासून लोक घरूनच काम करत आहे. वाचा: अशात जवळील उद्यानांमध्ये जाणे जर शक्य होत नसेल तर तुम्ही तुमच्या बाल्कनीमध्ये किंवा अंगणामध्ये एक छोटी बाग तयार करू शकता. पण, तुम्ही गार्डनिंगममध्ये नवीन आहात आणि घरात किंवा घर बाहेर बाग तयार करायची म्हटल्यास कोणत्या गोष्टींकडे लक्ष द्यायचे याबद्दल तुम्हाला माहिती नसेल तर ही विशेष माहिती तुमच्यासाठी. आज आम्ही तुम्हाला अशा काही भन्नाट गार्डनिंग अप्स आणि वेबसाइट्सबद्दल सांगत आहो ज्यांच्या मदतीने तुम्ही तुमची बाग डिजिटली फुलवू शकालच. शिवाय हे Apps आणि वेबसाईट्स गार्डनिंग बद्दल अतिरिक्त उपयुक्त माहिती देखील देतील . Garden Journal at Territorial Seed बागेत कशाची लागवड करायची आणि ती कधी करावी, किती वेळा पाणी घातले, सुपिकता व कापणी केली याचा मागोवा घेण्यासाठी या विनामूल्य अॅपचा वापर तुम्हाला करता येईल. यात गार्डनिंग संबंधी समस्या ओळखण्यास मदत करण्यासाठी एक रोग आणि कीटक डेटाबेस देखील आहे. तुमच्या परिसरात विशिष्ट लागवड सल्ला देण्यासाठी हे App हवामान डेटा देखील वापरते. Garden Manager जसे नाव आहे. त्याप्रमाणेच हे App तुम्हाला तुमचे गार्डन आणि त्यासंबंधी इतर बाबी मॅनेज करण्यात मदत करते. यातील व्हर्च्युअल कोच बागकाम लागवडीपासून कापणी पर्यंतच्या प्रश्नांची उत्तरे देतो. हंगामात मार्गदर्शन करण्यासाठी यात तीन स्तरीय सब्स्क्रिप्शन सेवा देखील उपलब्ध आहे. त्यात, काय करावे आणि केव्हा करावे याची रिमाइंडर्स युजर्सना पाठविली जातात. iN Naturalist घराबाहेर किंवा घरात जर बाग असेल, किंवा अगदी ३-४ रोपटी असतील तर, तिथे पक्षी सुद्धा येतातच. तुम्हाला जर तुमच्या बागेत रोज सकाळी पक्षी दिसत असेल. पण, तो नक्की कोणता पक्षी आहे हे माहित नसेल तर तुम्हाला या विनामूल्य अ‍ॅपची आवश्यकता आहे. हे खास बागकामासाठी डिझाइन केलेले नसले तरी यात असंख्य माहिती अशी आहे जी कोणत्याही स्तरावर निसर्गाची आवड असलेल्या कोणालाही आश्चर्यकारकपणे उपयुक्त आहे. कॅलिफोर्निया अकॅडमी ऑफ सायन्सेस आणि नॅशनल जिओग्राफिक यांनी संयुक्तपणे तयार केलेले हे सोशल नेटवर्क तुम्हाला एक फोटो घेण्यास आणि इतर निसर्ग प्रेमींकडून वनस्पती, पक्षी आणि प्राण्यांची त्वरित ओळख मिळविण्यात मदत करतात. वाचा: वाचा: वाचा:
from Gadget News in Marathi: Computer, Mobile, Auto News in Marathi | Maharashtra Times https://ift.tt/3khGShC
