मुंबई : मोठ्या पडद्यावर काम करताना देखील अनेक कलाकारांना छोट्या पडद्याचे आकर्षण कायम असते. त्यामुळेच हिंदी- मराठीमधील अनेक आघाडीचे कलाकार मोठ्या पडद्याबरोबरच छोट्या पडद्यावरही काम करताना दिसतात. या यादीमध्ये महानायक अमिताभ बच्चन यांचा देखील समावेश होतो. अगदी मराठीमध्येदेखील प्रसाद ओक, सई ताम्हणकर, स्वप्नील जोशी हे देखील छोट्या पडद्यावर दिसत आहेत. आता त्यांच्या बरोबरीने मराठीतील आणखी एक उमदा अभिनेता छोट्या पडद्यावरील कलाकारांच्या मांदियाळीमध्ये दाखल होत आहे. हा कलाकार आहे, . अभिनेता अंकुश चौधरी आता परीक्षकाच्या भूमिकेत दिसणार आहे. '' या स्टार प्रवाह वाहिनीवरून प्रसारित होणाऱ्या डान्स रिअॅलिटी शो मध्ये परीक्षकाच्या भूमिकेत दिसणार आहे. याबद्दल अंकुशने सांगितले, ' या रिअॅलिटी शोच्या निमित्ताने मी पुन्हा छोट्या पडद्यावर पुनरागमन करत आहे. त्यामुळे मी खूपच उत्साहित आहे. या कार्यक्रमाच्या माध्यमातून प्रेक्षकांशी संवाद साधता येणार असल्याने मी कमालीचा उत्सुक आहे. हा कार्यक्रम प्रेक्षकांना नक्की आवडेल असा मला विश्वास आहे.' 'मी होणार सुपरस्टार' हा कार्यक्रम २१ ऑगस्टपासून स्टार प्रवाह वाहिनीवरून प्रसारित होणार आहे. या कार्यक्रमाच्या माध्यमातून महाराष्ट्राच्या कानाकोपऱ्यातील नृत्यप्रेमींना त्यांचे कौशल्य दाखवण्यासाठी एक मोठे व्यासपीठ मिळणार आहे. याआधी या कार्यक्रमाच्या पहिल्या पर्वामध्ये गुणी गायकांचा शोध घेण्यात आला होता. या कार्यक्रमासाठी परीक्षक म्हणून ज्येष्ठ अभिनेत्री मृणाल कुलकर्णी, प्रसिद्ध गायक-संगीतकार राहुल देशपांडे, लोकप्रिय पार्श्वगायक आदर्श शिंदे होते. परंतु करोनामुळे या कार्यक्रमाचे अवघे २१ भागच प्रसारित झाले होते. त्यानंतर राज्यात लॉकडाउन लागल्याने या कार्यक्रमाचे चित्रीकरण होऊ शकले नव्हते. आता हा कार्यक्रम नवीन स्वरुपात पुन्हा एकदा प्रेक्षकांच्या भेटीला येत आहे. त्याचे नाव आता ‘मी होणार सुपरस्टार, जल्लोष डान्सचा’ असे असणार आहे. या कार्यक्रमात अंकुश चौधरीसोबत आणखी एक परीक्षक असणार आहे. मात्र हा परीक्षक कोण असेल आणि या कार्यक्रमाचे स्वरुप कसे असेल याची माहिती वाहिनीने गुलदस्त्यात ठेवली आहे.
from Marathi Bollywood News, Marathi Cinema News https://ift.tt/3ia4ZgS
