नवी दिल्ली. चीनी स्मार्टफोन निर्माता Xiaomiने अलीकडेच आपला फ्लॅगशिप मॉडेल Mi 11 Ultra लाँच केला. या फोनचा पहिला सेल आज दुपारी १२ वाजता आयोजित करण्यात आला आहे. हा पहिलाच सेल असून यात मर्यादित युनिट्सची विक्री करण्यात येणार आहे. याची किंमत ६९,९९० रुपये आहे. कंपनी यात अनेक ऑफर्स देखील देत आहे. जाणून घ्या या फोनसह मिळणाऱ्या ऑफर्सबद्दल डिटेलमध्ये. वाचा: किंमत आणि ऑफरः एमआय ११ अल्ट्राचा सेल आज दुपारी १२ वाजेपासून कंपनीच्या अधिकृत वेबसाइट एमआय डॉट कॉमवर होणार आहे. कंपनीचे ग्लोबल व्हीपी आणि व्यवस्थापकीय संचालक मनु कुमार जैन यांनी ट्विटरच्या माध्यमातून ही माहिती दिली. या फोनची किंमत ६९,९९० रुपये आहे. ही किंमत त्याच्या १२ जीबी रॅम आणि २५६ जीबी स्टोरेजची आहे. ज्या युजर्सनी हा फोन विकत घेण्याचा विचार केला आहे. त्यांना हे डिव्हाईस खरेदी करण्यासाठी युजर्सना त्यांचा एमआय आयडी तयार करावा लागेल. मग या आयडीद्वारे लॉग इन केल्यानंतर त्यांना १,९९९ रुपयांचे अल्ट्रा गिफ्ट कार्ड खरेदी करावे लागेल. हे कार्ड युजर्सना सेलमध्ये हमी प्रवेश देईल. एमआय 11 अल्ट्रा फोन खरेदी करताना या गिफ्ट कार्डची पूर्तता केली जाऊ शकते. अशात, सेलच्या दिवशी, ज्या व्यक्तीकडे अल्ट्रा गिफ्ट कार्ड असेल त्याला अल्ट्रा एफ-कोड दिला जाईल, जो त्यांना सेलचा ऍक्सेस देईल. या व्यतिरिक्त, युजर्सना या सेलमध्ये दुसर्‍या मार्गाने, अल्ट्रा चॅलेंजने देखील ऍक्सेस मिळू शकतो. यामध्ये तीन आव्हाने दिली गेली आहेत जी युजर्सना सोशल मीडियावर खेळावी लागणार आहे. याशिवाय फोन खरेदी करताना जर युजर्सन एसबीआय क्रेडिट कार्डचा वापर केल्यास तर त्यांना त्वरित ५,००० हजार रुपयांची सूट देण्यात येईल. Xiaomi Mi 11 Ultraची वैशिष्ट्ये: हा फोन एमआययूआय १२ वर आधारित एंड्रॉइड ११ वर काम करतो. यात ६.४० इंच डब्ल्यूक्यूएचडी + ई ४ एएमओएलईडी डिस्प्ले आहे ज्याचे पिक्सेल रिझोल्यूशन १४४० x३२०० आहे. अस्पेकट रेशिओ २०:९ आहे आणि रीफ्रेश दर १२० हर्ट्ज आहे. हा फोन क्वालकॉम स्नॅपड्रॅगन ८८८ प्रोसेसर आणि १२ जीबी रॅमसह सुसज्ज आहे. यात २५६ जीबी स्टोरेज आहे. फोनला अधिक मजबूत बनविण्यासाठी ५,००० एमएएच बॅटरी देण्यात आली आहे, जी ६७ डब्ल्यू वायर्ड आणि वायरलेस चार्जिंगला समर्थन देते. फोटोग्राफीसाठी फोनमध्ये ट्रिपल रियर कॅमेरा सेटअप देण्यात आला आहे. याचा प्राथमिक सेन्सर ५० मेगापिक्सलचा आहे, ज्याचा अपर्चर f / १.९५ आहे. दुसरा ४८ मेगापिक्सलचा अल्ट्रा-वाइड-अँगल लेन्स आहे. त्याचे छिद्र f /२.२ आहे. तिसरा एक ४८ मेगापिक्सलचा टेलीफोटो लेन्स देखील आहे. सेल्फीसाठी फोनमध्ये २० मेगापिक्सलचा सेन्सर आहे, ज्यामध्ये अपर्चर एफ / २.३ आहे. हा फोन आयपी ६८ प्रमाणित आहे. कनेक्टिव्हिटीसाठी फोनमध्ये ५ जी, ड्युअल-बँड वाय-फाय ६, ब्लूटूथ ५.२ जीपीएस, एजीपीएस, नेव्हिक समर्थन, एनएफसी आणि यूएसबी टाइप-सी पोर्ट आहे. वाचा: वाचा: वाचा:
from Gadget News in Marathi: Computer, Mobile, Auto News in Marathi | Maharashtra Times https://ift.tt/3dNlAEQ