मुंबई: बॉलिवूड अभिनेता सोशल मीडियावर नेहमीच काही ना काही कारणानं चर्चेत असतो. अनेकदा त्याचे फोटो सोशल मीडियावर व्हायरल होताना दिसतात. नुकतच सलमाननं त्याचा आगामी चित्रपट 'टायगर ३'च्या दुसऱ्या शेड्युलच्या शूटिंगला सुरुवात केली आहे. पहिल्या शेड्युलचं शूट सलमान खान आणि यांनी रूसमध्ये पूर्ण केलं आहे. आता या सोशल मीडियावर या चित्रपटाच्या सेटवरील काही फोटो व्हायरल झाले आहेत ज्यात सलमानचा या चित्रपटातील लुक पाहायला मिळत आहे. सलमान खानच्या एका फॅन पेजवरून त्याच्या 'टायगर ३'मधील फर्स्ट लुकचे फोटो शेअर करण्यात आले आहेत. या फोटोंमध्ये सलमान नेहमीपेक्षा काही वेगळ्याच अवतारात दिसत आहे. सोशल मीडियावर व्हायरल झालेल्या या फोटोमध्ये सलमान खान लांब केस आणि दाढी असलेल्या वेशात दिसत आहे. हे फोटो पाहिल्यावर चाहत्यांची चित्रपटाबाबतची उत्सुकता जास्तच वाढली आहे. या फोटोमध्ये सलमान खान त्याच्या चाहत्यांना सेल्फी देतानाही दिसत आहे. सलमान खान आणि कतरिना कैफ यांच्या मुख्य भूमिका असलेला चित्रपट 'टायगर ३'च्या पहिल्या शेड्युलचं शूटिंग टर्की, ऑस्ट्रिया, रूससह एकूण ५ देशांमध्ये झालं आहे. या सीरिजमधील पहिला चित्रपट 'एक था टाइगर'चं दिग्दर्शन कबीर खाननं केलं होतं तर दुसरा चित्रपट 'टाइगर जिंदा है' दिग्दर्शन अली अब्बास जफर यांनी केलं होतं आणि आता 'टायगर ३'चं दिग्दर्शन मनीष शर्मा करत असून यात अभिनेता इम्रान हाश्मी खलनायकाच्या भूमिकेत दिसणार आहे. हा चित्रपट पुढच्या वर्षी म्हणजे २०२२ मध्ये रिलीज होणार असल्याचं बोललं जातंय.
from Marathi Bollywood News, Marathi Cinema News https://ift.tt/3D6ZaZY
