मुंबई: बॉलिवूडचे प्रसिद्ध अभिनेता यांचं ट्विटर अकाउंट शनिवारी २१ ऑगस्टला हॅक झालं होतं. एवढंच नाही तर यासोबतच त्यांचा प्रोफाइल फोटो देखील हॅकर बदलून टाकला होता. याशिवाय त्यानं शत्रुघ्न सिन्हा यांच्या अकाउंटचं नाव बदलून असं केलं होतं. तर प्रोफाइल फोटोवर रॉकेट लॉन्चचा फोटो ठेवण्यात आला होता आणि सर्वात महत्त्वाची गोष्ट म्हणजे शत्रुघ्न सिन्हा यांना स्वतःला आपलं अकाउंट हॅक झालं आहे याची अजिबात कल्पना नव्हती. जेव्हा शत्रुघ्न सिन्हा यांना समजलं की, त्यांचं ट्विटर अकाउंट हॅक झालं आहे तेव्हा त्यांनी ट्वीट करून त्यांच्या ट्विटर फॉलोअर्सना याची माहिती दिली. त्यांनी लिहिलं, 'दुर्दैवानं काही लोकांनी माझं ट्विटर अकाउंट काही तासांसाठी हॅक केलं होतं. पण आता हे सर्व ठीक झालं आहे. कृपया क्रिप्टोकरेंसीबाबत करण्यात आलेल्या सर्व ट्वीट्सवर दुर्लक्ष करा. तुमच्या काळजीसाठी आभार.' ट्विटर अकाउंट हॅक होण्याआधी शत्रुघ्न सिन्हा यांनी माजी पंतप्रधान राजीव गांधी यांच्या जयंतीनिमित्त ट्वीट केलं होतं. याशिवाय त्यांनी शशी थरूर यांच्याबाबतही एक ट्वीट केलं होतं. शत्रुघ्न सिन्हा यांच्या कामाबद्दल बोलायचं तर ते २०१८ मध्ये शेवटचे 'यमला पगला दीवाना: फिर से' या चित्रपटात दिसले होते. त्यानंतर त्यांनी कोणत्याही चित्रपटात काम केलेलं नाही पण राजकरणात मात्र ते सक्रिय आहेत. लवकरच ते 'द कपिल शर्मा शो'मध्ये अभिनेता धर्मेंद्र यांच्यासोबत दिसणार आहेत.
from Marathi Bollywood News, Marathi Cinema News https://ift.tt/3y8WEPe
