मुंबई: वूटच्या वीकेंड स्पेशल एपिसोडमध्ये करण जोहरसोबतच बिग बॉस १३ ची सर्वाधिक लोकप्रिय जोडी आणि यांनीही हजेरी लावली होती. बिग बॉसच्या घरातून बाहेर पडल्यानंतरही आपल्या खास बॉन्डिंगमुळे नेहमीच चर्चेत राहणाऱ्या या जोडीनं बिग बॉस ओटीटीच्या मंचावर त्यांच्या नात्याबद्दल मोठा खुलासा केला आहे. नुकत्याच झालेल्या एपिसोडमध्ये करण जोहरनं फक्त स्पर्धकांनाच नाही तर सिद्धार्थ आणि शहनाझ यांनाही काही प्रश्न विचारले आणि या प्रश्नांची उत्तरं देतानाच सिद्धार्थनं त्यांच्या नात्याबद्दल मोठा खुलासा केला. बिग बॉस ओटीटीच्या मंचावर सिद्धार्थनं शहनाझसोबत रिलेशनशिपमध्ये असल्याची कबुली करण जोहरकडे दिली. त्यावर करणनं त्याला पुन्हा एकदा विचारलं की, 'तुम्ही दोघं रिलेशनशिपमध्ये आहात असं म्हणायचं आहे का तुला?' ज्याचं उत्तर सिद्धार्थ पुन्हा एकदा 'हो' असं देतो. एवढंच नाही तर शहनाझनंही या नात्याला होकार दिला. सिद्धार्थ यावेळी त्याच्या आणि शहनाझच्या नात्याबाबत सोशल मीडियावर होत असलेल्या चर्चांबद्दल बोलत होता. तो म्हणाला, 'अनेकदा आमच्या दोघांच्या नात्याबाबत किंवा ब्रेकअपबद्दल बोललं जातं. ज्यात खरं तर काहीच तथ्य नसतं.' सिद्धार्थचं बोलणं मध्येच थांबवत करण त्याला म्हणतो, 'पण नुकतंच तू सांगितलं की तू आणि शहनाझ रिलेशनशिपमध्ये आहात.' यावर करणला थांबवत सिद्धार्थ पुढे म्हणाला, 'हो आम्ही रिलेशनशिपमध्ये आहोत पण हे मैत्रीचं नातं आहे. आमच्या दोघांमध्ये मैत्रीचं नातं आहे.' सिद्धार्थच्या बोलण्यावर करण म्हणतो की, 'आता तू शब्दांशी खेळत आहेस.' यावर सिद्धार्थ उत्तर देतो, 'मी कधीच असं म्हटलं नाही की आमच्यात प्रेमाचं नातं आहे. आमच्यात मैत्रीचं नातं आहे आणि आम्ही एकमेकांना आमच्या कुटुंबाचा भाग मानतो.' दरम्यान बिग बॉस १३ मध्ये शहनाझ आणि सिद्धार्थ यांच्यातील बॉन्डिंग पाहता या दोघांमध्ये मैत्री पलिकडेही काही आहे अशा चर्चा नेहमीच झाल्या. बिग बॉसच्या घरात आणि घराबाहेरही हे दोघं नेहमीच चर्चेत राहिले. बिग बॉसमधून बाहेर पडल्यानंतर या दोघांनी काही म्यूझिक अल्बम तसेच जाहिरातींसाठी एकत्र काम केलं आहे.
from Marathi Bollywood News, Marathi Cinema News https://ift.tt/3g2BADS
