मुंबई : अभिनेता त्याच्या अतरंगी स्टाईलसाठी ओळखला जातो. त्याचबरोबर तो कधी कुठे काय करेल याचा काहीच नेम नसतो. परंतु रणवीर जिथे असेल तिथल्या वातावरणात उत्साह, चैतन्य असते हे नक्की. मग तो कार्यक्रम असो वा कुठली पार्टी. त्यात जर रणवीर सहभागी झालेला असेल तर तिथला महौल हा कम्माल असतो. रणवीरमध्ये जो उत्साह आहे त्यामुळे तो त्या कार्यक्रमाला चारचाँद लावतो असं म्हटल्यास अतिशयोक्त ठरू नये. अलिकडेच रणवीरच्या आईचा वाढदिवस मोठ्या जल्लोषात साजरा करण्यात आला. या वाढदिवासनिमित्ताने आयोजित करण्यात आलेल्या पार्टीमध्ये रणवीरने अक्षरशः कल्ला केला. आईसोबत, दीपिकासोबत इतकेच नाही तर वडिलांसोबत त्याने जबरदस्त डान्स केला. या पार्टीमधील काही व्हिडिओ सोशल मीडियावर व्हायरल झाले आहेत. रणवीरची उत्साह पाहून चाहते आणखीनच त्याच्या प्रेमात पडले आहेत. रणवीर जेव्हा स्टेजवर असतो तेव्हा प्रेक्षकांनाही तो त्याच्यासोबत ताल धरायला लावतो. मग आईच्या वाढदिवसाच्या पार्टीतही रणवीर मागे कसा राहील. यापार्टीमध्ये रणवीरने डान्स बेधुंदपणे डान्स करत माहौल निर्माण केला होता. आईचा वाढदिवस तो मनापासून एन्जॉय करत होता. इतका की चक्क शर्ट काढून तो गाण्यावर नाचत होता. आईसोबत थिरकला रणवीर रणवीरने आई अंजू भवनानीचा वाढदिवस एकदम खास करून टाकला. या वाढदिवसाच्या पार्टीचे काही व्हिडिओ सोशल मीडियावर खूपच व्हायरल झाले आहेत. त्यातील एका व्हिडिओमध्ये रणवीर त्याच्या आईसोबत डान्स करताना दिसत आहे. त्याची आई देखील त्याला साथ देत डान्स करत एन्जॉय करत आहे. दीपिकासोबत केले फ्लर्ट तर याचा पार्टीमधील व्हायरल झालेल्या आणकी एका व्हिडिओमध्ये रणवीर त्याची बायको दीपिकाशी मजेशीर अंदाजात फ्लर्ट करताना दिसत आहे. तो 'नशे सी चढ गई' या गाण्यावर तिच्याशी फ्लर्ट करताना दिसत आहे. रणवीर तिला आपल्या सोबत डान्स करण्यासाठी येण्यास सांगत आहे. परंतु दीपिका जागेवर अजिबात हालत नाही. परंतु तरी देखील रणवीर डान्स करत करत तिला येण्यासाठी मनवताना दिसत आहे. दीपिका त्याचा डान्स एन्जॉय करत त्याच्याकडे पाहून हसताना या व्हिडिओमध्ये दिसत आहे. वडिलांसोबतही केला जबरदस्त डान्स आई आणि दीपिकासोबत मौज- मस्ती केल्यानंतर रणवीरने वडिलांसोबतही डान्स करताचा व्हिडिओ व्हायरल झाला आहे. रणवीरने आणि त्याच्या वडिलांनी 'मल्हारी' या गाण्यावर धम्माल डान्स केला. रणवीरचे वडील जगजीत भवनानी देखील आपल्या मुलाच्या तोडीस तोड डान्स करताना या व्हिडिओमध्ये दिसत आहे. रणवीर जशा डान्स स्टेप करत होता अगदी तशाच स्टेप ते करताना दिसत आहेत. हा व्हिडिओ पाहून रणवीरने एनर्जी आपल्या वडिलांकडून घेतली असावी असेच दिसते. २२ तारखेला होता रणवीरच्या आईचा वाढदिवस रणवीरची आई अंजू भवनानी यांचा रक्षबंधनाच्या दिवशी म्हणजे २२ ऑगस्ट रोजी वाढदिवस झाला. वाढदिवसाच्या पार्टीमध्ये रणवीरने त्याच्या लुकमध्ये कोणताही अतरंगीपणा केलेला नव्हता. सँडोवर डेनिम जॅकेट आणि हॅट अशा कूल लुकमध्ये रणवीर होता तर दीपिकाने लेदर जीन्स आणि लाल रंगाचा टॉप घातला होता. दरम्यान, या दोघांच्या कामाबद्दल सांगायचे तर ते '८३' या कबीर खान दिग्दर्शित सिनेमात दिसणार आहेत. या सिनेमात रणवीरने कपील देवची भूमिका साकारली आहे. तर दीपिकाने रोमी देवची भूमिका साकारली आहे.
from Marathi Bollywood News, Marathi Cinema News https://ift.tt/3zi0wir
